ni Ed de Leon
NAKALULUNGKOT iyong narinig naming balita na isang kompanya raw ang nag-pull out na ng kanilang mga video at maging music CD sa market.
“Mukhang magsasara na sila,” sabi ng isang kaibigan naming store manager. Iyon daw mga CD at DVD na idini-distribute ng kompanya ay ipinagbili nang lahat ng bargain, ”maski bago P20 na lang ang benta nila. Inuubos na talaga nila ang inventory at mukhang gusto nilang gawin iyon ng madalian”.
Ang tsismis pa, ”nalulugi na raw kasi sila talaga. Matagal na.”
Nakagugulat dahil ang image nila ay isa sila sa pinakamalaking kompanya, iyon pala talagang bagsak na. May malas kasi.
