Sunday , May 5 2024

Jen, 2 yrs. ng walang BF, pero lalong sumeseksi at gumaganda

011015 Jennylyn Mercado

00 fact sheet reggeeNAKATUTUWA si Mother Lily Monteverde dahil sinabi niyang nasa main house sina Sam Milby at Jennylyn Mercado at nagmi-meeting kasama ang anak niyang si Roselle Monteverde-Teo.

Supposedly, lihim ang meeting na iyon dahil pag-uusapan muna nina Roselle, Direk Manny Valera, Direk Jun Lana, Ms Rose Conde, Katrina Aguila, Sam kasama ang manager niyang si Erickson Raymundo, at Star Magic handler na si Ms Lulu Romero ang tungkol sa gagawin nilang pelikula na may working title na Pre-Nup na iso-shoot sa New York City, USA ngayong Hunyo.

Timing naman nang pumasok kami sa main house ay tapos ng mag-meeting at nagpi-pictorial na lang sila.

Wala pa kaming gaanong detalyeng nakuha sa meeting maliban na si direk Jun ang susulat ng script at kung kakayanin ay ngayong Hunyo nga ang shooting sa Amerika.

Base sa obserbasyon namin kina Sam at Jen ay okay naman sila at masayang nag-uusap at higit sa lahat, may chemistry sila.

Ang ganda-ganda at seksi ni Jen ngayon at nag-slim naman si Sam kaya hindi naman nalalayo ang edad ng aktor sa aktres.

Ayon kay Jennylyn, matagal na niyang kakilala si Sam dahil ipinakilala raw siya ng ex-boyfriend niyang si Luis Manzano, ”kapag magkakasama sila (gimikan) isinasama ako ni Luis.”

Kaya hindi first meeting nina Jen at Sam ang meeting nila sa Valencia.

Walang masyadong alam si Jennylyn kay Sam kaya sabi namin ay single pa at kaagad kaming sinagot ng, ”weh, ‘di nga, wala siyang girlfriend?”

Sabi namin, ‘oo nga’, huling girlfriend niya si Anne Curtis at kung hindi kami nagkakamali ay apat na taon na ‘yun’ at nag-cross my heart pa kami.

Nabanggit naming may mga nakaka-date sigurong girls si Sam, pero hindi seryoso kasi nga konserbatibo ang aktor.

“Ahh, ok,” ito na lang nasabi ni Jennylyn.

Samantala, binati namin ng ‘happy mothers’ day’ si Jen.

“Thank you, oo nga, ‘no?”

At nabanggit ng aktres na pitong taong gulang na si Alex Jazz nitong taon na anak nila niPatrick Garcia.

Tinanong na rin namin kung ano ang real score nila ni Dennis Trillo na nakita raw sila sa Balesin Island kamakailan at okay sila.

”Two years na nga akong walang boyfriend, ‘te Reggs. Wala, puro lang ako work, concentrated ako ngayon sa work para sa anak ko, sa family ko,” mabilis na sagot ni Jen.

“Okay kami (Dennis) now, were friends,” sabi pa.

Walang balikang nangyari?

“Ay wala, as in! Trying to be friends, trying to be okay, pero wala,” pangangatwiran ulit ng aktres.

Nangyari na bang binalikan ni Jennylyn ang sinuman sa ex-boyfriends, ”ako? So far wala pa naman.”
ni Reggee Bonoan

 

About hataw tabloid

Check Also

Sunshine Cruz Bench Body

Sunshine ayaw pag-usapan ang lovelife—I’d rather keep it private

MA at PAni Rommel Placente AS much as possible, ayaw na ni Sunshine Cruz na …

Angeli Khang Bea Alonzo Dominic Roque

Angeli natakot lumabas nang isangkot sa hiwalayang Dominic-Bea

I-FLEXni Jun Nardo UMALMA na ang sexy star na si Angeli Khang na isinasangkot sa hiwalayan nina Bea …

Rabiya Mateo Faith Da Silva

Faith Da Silva itinuturong dahilan ‘di pagka-renew contract sa GMA

I-FLEXni Jun Nardo ENDO o end of contract ang dahilan ng beauty queen na si Rabiya …

Blind Item, Gay For Pay Money

Pagbibigay ng awards sa entertainment easy money

HATAWANni Ed de Leon SA dami ng nagbibigay ng entertainment awards ngayon na hindi mo …

Dingdong Dantes Marian Rivera Alden Richards Kathryn Bernardo

Phenomenal Box Office at Box Office King and Queen may pagkakaiba ba?

HATAWANni Ed de Leon HINDI namin maintindihan kung ano ang kaibahan niyong Phenomenal Box office …

Leave a Reply

Your email address will not be published. Required fields are marked *