NA-PHOTOBOMB nga ba ng multo ng isang sanggol ang wedding photo ng isang mag-asawa?
Ito ang pinaniniwalaan nina Reddit user Kevin Matthew Dennis at ang kanyang maybahay na si Christiana matapos maispatan ang ‘distinctly unsettling face’ na lumulutang sa kanilang likuran sa larawan na kuha sa kanilang kasal.
Nasa likod lang nila ang imahe, na nakatingin din sa camera.
Hindi agad napansin ito ng mag-asawa at nakita lang nila ang mukha ng sanggol matapos ang kanilang kasal.
Ang totoo, ginamit ni Christiana ang larawan bilang Facebook cover photo niya—hangang sa ituro ang mukha ng bata ng kanyang mga kaibigan.
‘‘Me and my wife’s favourite wedding photo . . . Until we saw what was between us . . . We still don’t know who it was,” wika ni Kevin, mula sa Virginia.
Sa mga nakaraan, maraming mga larawan ang sinasabing may mga nakuhang imahe ng mga multo at ito umano ang patunay ng alamat na kung minsan ay nagbabalik ang kaluluwa ng mga pumanaw dahil may naiwan pa itong gawain sa mundo o dili kaya’y humihingi ng katarungan.
Kinalap ni Tracy Cabrera