HATAW! D'yaryo ng Bayan hatawtabloid.com
ni Ed de Leon
SIGURO nga kung tumahimik na lang ang lahat at hindi na nagsalita, natapos na rin sana ang pag-aalboroto ni Amalia Fuentes. Hindi mo rin siya masisi, nasaktan kasi siya sa mga pangyayari. Hindi mo rin naman siya masisisi kung may maisumbat man siya sa mga taong inaakala niyang nagkasala sa kanya.
Ang masama marami ng ibang nadamay, at marami pa ang dumadamay.
Siguro ang masasabing kawawa sa lahat ng nadamay ay si Coney Reyes. Nadamay siya dahil siya ang nag-host ng cremation ceremonies para kay Liezl. Siguro nga may mga nangyaring lapses, pero dahil doon ang dami nang nauungkat tungkol kay Coney, maski na nga iyong hindi na sana dapat na nauungkat at wala namang kinalaman sa mga pangyayari. Pero ganoon talaga ang buhay eh.
Sana lang tumahimik na rin sila para hindi na lalong lumaki pa ang eskandalong iyan.
