ni Rommel Placente
MADALAS mapanood ngayon si Carl Guevarra sa mga show ng TV5. Pero ayon sa kanya, wala naman siyang kontrata sa Kapatid Network. Kahit nga raw sa GMA 7 na madalas siyang magkaroon ng show, ay wala rin siyang pinirmahang kontrata.
“Per show lang ako, freelancer,” sabi ni Carl.
Nakarelasyon ni Carl si Kris Bernal. After ng kanilang break-up ay hindi pa ulit sila nagkikita. Kahit daw sa pamamagitan ng text ay wala silang komunikasyon ni Kris, pero hindi naman daw sila in bad terms.
“Hindi, hindi, hindi. Siguro natapos ‘yung relationship namin sa hanggang doon na lang. Kasi kung… feeling ko ‘pag may text pa, alam mo ‘yung mas mahirap mag-move on, ‘di ba?” paliwanag pa niya.
Samantala, nilinaw ni Carl na hindi totoong siya ang itinatagong tunay na boyfriend ni Vice Ganda.
“Hindi ako ‘yun,” natatawang sabi ni Carl.
“Before, naka-same condo kami pero ang tagal na ‘yun, 2010 pa. Nakakasabay ko siya sa elevator.”
Ngayon daw ay hindi na sila same building ni Vice. Sa ibang condo na raw kasi siya nakatira.
