SUGATAN ang dalawa katao makaraan magkarambola ang tatlong sasakyan sa Katipunan Flyover kahapon.
Pasado 4 a.m. nang mawalan ng preno ang isang 10-wheeler truck na may kargang alak habang paakyat sa northbound lane at tumama sa isang Toyota Vios.
Tuluyang nawalan ng kontrol ang truck na tumawid sa center island patungong southbound at sumalpok sa isang taxi.
Isinugod sa pagamutan ang dalawang sakay ng Toyota dahil sa minor injuries.
