ni Ambet Nabus
HINDI talaga kami magtataka kung very soon ay tawaging bagong teleserye theme song queen o diva itong si Morissette.
Sa launching ng kanyang album ay kitang-kita at dinig na dinig natin ang ebidensiya ng kanyang husay, pagkakaroon ng brilyo at masarap pakinggang boses, at wasto lang na humor para siya’y kagiliwan. Mas nararamdaman namin ang kanyang emosyon at sa totoo lang, hindi siya nakasasawang pakinggan.
Her time has probably come after so many tries in showbiz at matapos nga siyang ma-rediscover sa The Voice at mapansin sa Himig Handog via her Akin Ka Na Lang interpretation.
Ang self-titled album niya ay may carrier single na Di Maipaliwanag at layon nga nitong ma-re-establish ang singing career ni Morissette bilang isa sa mga pinakamahuhusay sa industriya.
