Ai-Ai de las Alas, isasama sa Wowowin
ni James Ty III
MALAKI ang posibilidad na makakasama ni Willie Revillame sa Wowowin si Ai Ai de las Alas bilang isa sa co-hosts.
Noong inilunsad si Ai Ai sa pagiging Kapuso, binanggit niya na magkakaroon siya ng Sunday show sa GMA 7 ngunit hindi niya sinabi kung ano ito.
Isang staffer ng Wowowin ang nagsabing isa si Ai Ai sa mga ikinukonsidera para makasama si Willie sa pang-Linggong game show.
Bukod kay Ai Ai, ilan din sa mga kandidato para maging co-host ni Willie sina Solenn Heussaff, Wynwyn Marquez, Glaiza de Castro, at Rhian Ramos.
Magsisimula ang Wowowin sa GMA sa Mayo 10, isang linggo pagkatapos ang pag-ere ng laban nina Manny Pacquiaoat Floyd Mayweather, Jr.
