GRABE ang init ngayon kaya ang ating mga katawa’y naghahanap ng masasarap na pampalamig tulad ng ice cream. Samahan natin si Mader Ricky Reyes sa pagdalaw nito sa isang ice cream parlor na may kakaibang sorbetes flavor tulad ng Tilapia Ice Cream, Champoradong Ice Cream, at Itlog na Maalat Ice Cream. Pagtikim pa lang ninyo ay tiyak na mapapa-WOW kayo.
Tampok ito sa segment na Da Best Sorbetes ngayong Sabado, 9:00 a.m. sa GMA News TV lifestyle show na Gandang Ricky Reyes Todo Na Toh (GRR TNT).
Bisita rin sa show ni Mader Ricky si Dr. Tamayo na ihahatol ang mga gulay at prutas sa inyong halamanan na lunas sa maraming karamdaman. Singbisa raw ito ng mga gamot na nabibili sa mga botika.
Panauhin din sa GRR TNT ang Kiddies Incredible o mga batang nakababasa ng mga letra at numero habang nakapiring ang mga mata.
Rarampa rin ang mga kandidata sa Miss Earth Philippines sa kanilang swimsuit competition na ginanap sa paraisong Golden Sunset Resort Inn and Spa sa Barangay Uno, Calatagan, Batangas.
Tampok din si Dr. Alvin na isang skin specialist na magde-demonstrate ng mga kaparaanan para kuminis ang kutis na tinatawag niyang beauty eternally.
Ang GRR TNT ay handog ng ScriptoVision na laging handa para sa mga problemang pang-kagandahan, kalusugan, kabuhayan, at kakinisan na kayang-kayang lutasin ng Mader of all Mothers, ‘di ba? Mader knows best. And he has all the answers and solutions to your problems.
