BUNSOD nang matinding depresyon, nagsaksak sa leeg at nagbigti ang isang biyudo kamakalawa ng gabi sa Pasay City.
Kinilala ni Pasay City Police Officer in Charge (OIC) Sr. Supt. Joel Doria ang biktimang si Alex Cagatin, 35, walang trabaho, tubong Dipolog City, nangungupahan sa Block 79, Lot 11, pagitan ng 10th at 25th Sts., Villamor Airbase, Pasay City.
Base sa pahayag sa pulisya ni Senior Navy 2 Rod Somera, 25, ng Philippine Navy, inimbita niya ang biktima na sumama sa kanila sa marketing sa VAB Market, ngunit tumanggi at ikinatwiran na magpapahinga na lang siya.
Bunsod nito, iniwan nila mag-isa si Cagatin sa kanyang kuwarto.
Dakong 7 p.m. muling pinuntahan ni Somera ang biktima sa inuupahanng kuwarto, ilang ulit niyang kinakatok ang pinto, ngunit hindi tumutugon.
Pinuwersa niyang buksan ang pinto ng kuwarto ng biktima at tumambad sa kanya ang wala nang buhay na si Cagatin na may saksak sa leeg at nakabigti sa kisame.
Napag-alaman, namatay ang misis ni Cagatin sa panganganak, anim taon na ang nakakaraan.
Aniya, simula nang mamatay ang misis, lagi nang malungkot ang biktima. (JAJA GARCIA)
