This site uses cookies for analytics and to improve your experience. By clicking Accept, you consent to our use of cookies. Learn more in our privacy policy.
‘Yong ipinadala kong sulat kahapon (16 April 2015) hinggil kay Kumander Bungos, bagong lider ng BIFF ay hindi nagkamali ang aking sapantaha na magpaparamdam talaga ng puwersa si Kumander Bungos.
Sinalakay nga ng BIFF sa pamumuno ni Kumander Bungos ang Ist Mechanized Brigade ng Philippine Army sa Barangay Kabingi, Datu Saudi Ampatuan, Maguindanao noong 15 Abril, 2015 sa ganap na ika-10:00 ng gabi.
Isang araw pa lamang ang nakalipas nang pumanaw si Kumander Kato.
Mayroong katiyakan na magpapakitang-gilas ang bagong kumander. Susunod-sunurin niya ang pag-atake sa mga himpilan ng Philippine Army.
Kaya nararapat lamang na maghanda ang mga detachments ng Philippine Army.
Mabuti na lamang sa pagsalakay nila ay walang napaslang na nilalang sa magkabilag panig.
Maraming problema talaga ang ating pulisya at military sa seguridad ng ating lipunan. Bukod sa BIFF, meron pang NPA, MILF at MNLF at iba pang mga armadong grupo na naglipana sa ating bansa.
Ano mang oras ay nag-aantay lamang sila ng oportunidad na sumalakay. Bigyan natin ng sapat na suporta ang ating mga pulis at sundalo sa pamamagitan ng pagbibigay sa kanila ng mga modernong armas at mga balang magagamit at higit sa lahat huwag silang gutomin at kailangan maging malakas at malusog sila sa pakikipaglaban sa mga anay ng lipunan.
Para sa mga reaksiyon, suhestiyon, reklamo at sumbong, magtext sa 0927.590.91.27 o mag-email sa [email protected]. Para sa mga nakaraang isyu ng BULABUGIN please visit https://hatawtabloid.com
