ni Ambet Nabus
SEVEN weeks na pala since malaman nina Kuya Boy Abunda and company ang tungkol sa pagkakalabuan ng realasyon nina Gerald Anderson at Maja Salvador. Pero dahil sa marunong daw itong makisama sa kanila, kaya’t pinagbigyan nila ang pakiusap ng mga ito na hintayin na lang kung sinuman sa kanila ang mauunang umamin.
At noon ngang presscon ng Nathaniel ay nakorner si Gerald at ito na ang umamin.
Ramdam na ramdam sa pagsagot ng aktor na nagpipigil ito ng kanyang emosyon.
“Binigyan muna namin ng break ang aming mga sarili, pero nag-uusap po kami. Ok po kami,” pahayag pa ni Gerald sabay pakiusap na, ”iyan na muna po.”
Halatang masakit pa rin sa aktor ang naging hiwalayan nila ng maganda at mahusay na aktres, pero gaya nga ng kanyang pakiusap, ibalato na lang sa kanilang dalawa ang dahilan o mga dahilan ng kanilang falling apart as lovers.
