Prenuptial agreement, no-no kay Toni; pagsasama hanggang kamatayan ipinagdarasal

ni Roldan Castro

WALA sa utak ni Toni Gonzaga ang prenuptial agreement sa mapapangasawa niyang si Direk Paul Soriano. Napaisip lag siya noong itanong iyon sa kanya.

“Dapat ba may ganoon talaga? Kasi iniisip ko hindi naman ako mga Zobel, mga Ayala to do prenup. Normal lang naman ako, kung ano ang mayroon ako, pinaghirapan ko,” bulalas niya sa The Buzz.

Ang gusto niyang mangyari at ipinagdarasal niya ay mag-work ang pagsasama nila bilang mag-asawa hanggang kamatayan.

“I’d rather put my faith in God and to the person I’m marrying and keep on praying that it will work forever,” bulalas pa niya.

Hindi rin daw nila napag-uusapan ni Direk Paul ang tungkol dito. Wala ring balak ang direktor ng Kid Kulapo na pakialaman ang pera ni Toni at napagtrabahuan niya.

Tungkol naman sa virginity ni Toni. ”Alam mo naman ang Pilipinas, Supreme Court, maraming maghuhusga. Sa akin na ‘yon, sa akin na ng asawa ko. Malalaman niyo pagkatapos ng ‘I Do,’” deklara niya.

Talbog!