Pagkasintunado ni Ella, isinisi ng ina sa mic
ni Roldan Castro
HOW true na nagkalat si Ella Cruz sa event ng SMAC TV Production, ang Earth Hour na ginanap sa Lapu-Lapu Luneta Ground Manila kamakailan?
Isang performance na nga lang ang ginawa nito eh hindi pa raw pinaghusayan. Sintunado raw ito sa kanyang kantang Bang Bang at nagdala pa ng back up dancers na wala rin daw sa timing.
“Palitan ang mic, palitan ang mic,” sigaw umano ng nanay niya. Isinisi raw sa mikropono at sound system ang pagkasintunado ni Ella.
Sana raw ay pinaghahandaan ang ganito sa tuwing magkakaroon ng show para hindi napupulaan.
