‘Text-text’ lang sa Mamasapano Ops Exodus tumegas  sa buhay ng Fallen 44!?

ITO naman ay kwentohan at obserbasyon lang sa natapos na Senate hearing ukol sa Mamasapano operations na ikanamatay ng 44 commandos ng Special Action Force ng Philippine National Police (PNP).

Natapos din dahil sa wakas ay natanggap na rin ni suspended PNP chief, Dir. Gen. Alam Purisima na sa kanya nag-imbudo ang palpak na Operation Exodus dahil sa maling detalyeng ini-relay niya kay Pangulong Noynoy.

Parang pelikulang “Three Stooges” lang ‘di ba?

Na-excite yata si ‘Puring’ nang maiulat sa kanya na dedbol na si Marwan.

Pero ang higit na comedy rito ‘e ‘yung sa gitna ng bakbakan at matinding pangangailangan na ilikas ang mga PNP-SAF commando, ang komunikasyon nina PNoy at Puring; PNP OIC Gen. Leonardo Espina at Gen Getulio Napeñas at sa mga AFP generals ay TXT-TXT lang?!

What the fact?!

Isang napaka-sensitibong police operation para dakpin ang isang international terrorist, ang gamit na communication ay text message lang!?

‘E alam na alam naman nating lahat na grabe ang ‘traffic’ sa SMS lalo na kung magkaiba kayo ng network at depende kung ang namamayaning network sa area.

Kaya malaking SABLAY talaga ang paggamit ng SMS (TXT-TXT) sa komunikasyon kung may matinding armed operation gaya ng pag-aresto sa dalawang terorista na sina Marwan at Usman.

High-tech nga…high sa kate-text…onli in da pilipins! Hik hik hik!

Ano kaya ang laman ng SMS? “D2 na me, patay na me.”

Hindi n’yo man lang ba naisip na segundo lang ang pagitan ng bala at buhay kapag nasa ganyang operasyon?! Tapos Operation Exodus idinaan n’yo lang sa TXT-TXT.

‘E talagang matetegas nga ‘yan at hindi makapag-i-exodus sa area of operation…

‘Yan ang katotohanan sa pagkategas ng buhay ng 44 PNP-SAF commandos.        

Hindi na tayo nagtataka kung bakit bumaliko ang daang matuwid… daanin ba naman sa TXT-TXT.

Saan ka pa?!