This site uses cookies for analytics and to improve your experience. By clicking Accept, you consent to our use of cookies. Learn more in our privacy policy.
HINDI na raw militante ang mga nag-rally at nagdiwang sa selebrasyon ng EDSA Revolution 29th anniversary.
‘Yan daw ang dahilan kung bakit hindi disiplinado ang mga naroon sa EDSA kahapon.
Lumikha lang umano ito ng traffic obstruction sa Metro Manila.
Ibig sabihin, walang sigla at lalong hindi naramdaman ang diwa ng EDSA.
Sino nga naman ang magdiriwang kung katatapos lang paglamayan ang labi ng Fallen 44 ay kasunod namang paglalamayan ang katotohanan dahil pinaslang ito sa pagdinig sa Senado at umano’y dialog ni PNoy sa House leaders doon sa loob mismo ng Palasyo.
Nabigo ang mga mambabatas na mabusisi kung ano ang tunay na pangyayari sa Mamasapano noong Enero 25.
Ang isa pang nakalulungkot dito, ang isa sa dating tinaguriang bayani ng EDSA ay naka-hospital arrest dahil sa kasong pandarambong?!
Ngayon tayo naniniwalang, sina Juan Ponce Enrile at dating presidente FVR ang sinagip ng bayan at hindi sila ang sumagip sa bayan mula sa kuko g madugong dispersal na nais sanang mangyari ni Marcos noon.
Naniniwala rin tayo na panahon na para mabulatlat ang tunay na istorya sa likod ng EDSA Revolution.
Ito ba ‘yung tinatawag na konsesyon ng mga taga-Camp Crame at Camp Aguinaldo sa kung sino ang presidente?
Kung gayon, mahabang panahon na pala tayong nililinlang ng EDSA.
HINDI na raw militante ang mga nag-rally at nagdiwang sa selebrasyon ng EDSA Revolution 29th anniversary.
