This site uses cookies for analytics and to improve your experience. By clicking Accept, you consent to our use of cookies. Learn more in our privacy policy.
LABIS ang pangamba ngayon ng mga residente sa Barangay 179 d’yan sa Caloocan City.
‘Yung subdibisyon kasi ng V.V. Soliven na Capitol Park Homes 2 (malapit sa pinakamatandang subdibisyon na Amparo Subdivision) d’yan sa Caloocan City ay iniwan na ng kanilang developer na V.V. Soliven. Hindi na nagawa ‘yung club house at iba pang amenities. Maging ang mga kalsada ay hindi naiayos maigi at hindi nai-turnover sa city government.
Sa katunayan, sandamakmak na ang mga squatter sa loob ng subdivision lalo na roon sa lugar na dapat pagtayuan ng club house. Wala kasing bakod ang nasabing subdibisyon at wala na rin security guard kaya napasok ng mga squatter.
Ngayon ay talamak at sandamakmak umano ang gumagamit ng jumper ng koryente mula sa linya ng Meralco at maging linya ng tubig ng MWSS ay ninanakaw din.
Kaya naman labis ang pangamba at pagkairita ng mga taga-Barangay 179 dahil normal lang na sila ang magpapasan sa ninanakaw na koryente at tubig ng mga squatter sa loob ng Capitol Park Homes 2. Natatakot din ang mga taga-Barangay 179 dahil possibleng pagmulan ng sunog ang pagnanakaw ng koryente sa loob ng nasabing subdibisyon. Nasaan na ang V.V. Soliven?! Paging MERALCO and MAYNILAD pakibusisi ng linya ninyo sa CAPITOL PARK HOMES 2!
LABIS ang pangamba ngayon ng mga residente sa Barangay 179 d’yan sa Caloocan City.
