MPD PS-4 bagman sikat na sikat sa Sampaloc!

SIKAT na sikat ngayon ang isang nagpakilalang bagman ni MPD PS-4 commander P/Supt. MUARIP.

Parang popcorn na putok na putok ang isang alyas TATA LEX KARYASO dahil lahat ng 1602 operators na may latag sa teritoryo ng MPD Pre-sinto Quatro ‘e pasok na pasok sa kanila?!

Kaya naman nitong nakaraang Disyembre ay nakapaglatag ang mga perya-sugalan sa Bustillos, Dapitan at Balic-Balic.

Jackpot na jackpot nga raw si Kernel Muarip sa galing daw mangolektong nitong si Tata Lex Karyaso.

Hindi lang magaling dumiskarte ng goodwill money si Tata Lex sa mga 1602 operator, kundi pati sa mga vendor at mga tulak ng droga ay pasok rin sa kanya.

Mabilis daw natuto ang kamote sa mga bete-ranong bagman ng MPD gaya nina Tata William Diakson, Ruel Robles at Tata Bher Nabarog!

NCRPO RD Gen. Carmelo Valmoria, kailan ba n’yo lilinisin ang MPD sa mga pulis scalawag?