LIMANG hinihinalang mga miyembro ng akyat-bahay gang, kabilang ang tatlong menor de edad, ang naaresto sa operasyon ng mga awtoridad sa bayan ng Sta. Maria, Bulacan.
Ang limang inaresto sa bisa ng arrest order na inisyu ni Judge Olivia V. Escubio-Samar ng Regional Trial Court, Branch 79 sa Malolos City, para sa kasong robbery ay kinilalang sina Crisanto San Juan, 18; Garry Concepcion,18, at tatlong menor de edad na sina Edgar, 15; Jonjon,16; at Arjay, 17, pawang mga residente ng nabanggit na bayan.
Napag-alaman, ang mga suspek ay responsable sa panloloob sa bahay ni Pricilla Chu y Parado, 59, sa Borland Subdivision, San Vicente, Santa Maria, Bulacan noong Mayo 24, 2014, dakong 2 a.m.
Pinaniniwalaang ang mga suspek ay mga miyembro ng notoryus na akyat-bahay gang na kumikilos sa lalawigang ito.
Daisy Medina
