AGAD binawian ng buhay ang isang 48-anyos ginang makaraan masagasaan ng isang bus sa Sampaloc, Maynila kahapon ng madaling-araw.
Kinilala ang biktimang si Melchora Batino, ng 1553 Kundiman Street, Sampaloc, Maynila.
Habang pinaghahanap ang hindi nakilalang driver nang hindi naplakahang passenger bus ng Phillippine Rabbit.
Ayon kay SPO1 Garbin ng Manila Traffic Bureau, dakong 12:05 a.m. nang masagasaan ng bus ang biktima sa kanto ng Dimasalang at Simon streets.
Tumatawid ang biktima nang biglang sumulpot ang bus at siya ay nahagip. Imbes huminto, mabilis na pinasibad ng driver ang bus.
Leonard Basilio
