Show ng Eat Bulaga sa Charter Garden sa Hong Kong dinumog ng libo-libong Dabarkads

Umalis last Friday ang buong tropa ng EB Dabarkads para sa one day special show nila sa Hong Kong. At bago pa ang actual show, nakuha ng mga host ng programa na mamasyal at kumain sa magagandang place at resto sa Hong Kong na talagang sinundan sila ng kanilang fans and supporter at s’yempre nagpaunlak naman ang lahat para sa picture taking. Hindi lang sina Tito Sen, Henyo Master Joey at Bossing Vic at mga co-host ang pinagkaguluhan ng ating mga kababayang OFW maging si Aleng Maliit Ryzza Mae ay hindi rin tinantanan ng lahat. Kasama rin pala sa entourage ni Ryan ang misis na si Judy Ann Santos at mga anak na sina Yohan at Lucho. Yes ganyan magsuportahan sa isa’t isa ang mag-asawa.

By the way, may nag-tip sa amin from Tape office na naging mega successful ang ginawang show kahapon ng EB Dabarkads sa Charter Garden sa Hong Kong na pinanoood ng libo-libo nilang mga tagahanga. Nagpakontes ang programa at malaki ang cash prize na ipinamigay na ikinatuwa ng lahat ng winner. Patunay lang na kahit saang sulok ng mundo ay marami at malakas following ng Eat Bulaga.

ni Peter Ledesma