NASAGIP ang isang sanggol ng mga operatiba ng MPD-PCP Lawton makaraan dukutin ng suspek na si Melanie Enocencio, 33, sa Baywalk sa Roxas, Blvd., Maynila habang natutulog ang mga magulang na kapwa vendor. (BONG SON)
[divider]
NASAGIP ng mga tauhan ng Manila Police District-Police Community Precinct 5, sa Lawton, Maynila ang isang sanggol makaraan dukutin ng isang babae kahapon ng madaling araw sa Roxas Blvd., Maynila.
Ayon kay PO3 Anthony Navarro, dakong 2 a.m. iniulat ni Diana Santiago, 31, na nawawala ang kanyang sanggol na si Camille.
Ayon kay Diana, nagtitinda silang mag-asawa sa Pedro Gil nang sila ay makatulog. Ngunit sa kanilang paggising ay nawawala na ang kanilang sanggol.
Sa follow-up operation ng mga awtoridad, namataan nila ang suspek na si Melanie Enocencio 33, ng Caloocan City, na pagala-gala sa Lawton, Maynila habang karga ang isang sanggol.
Nang usisain ng mga pulis, inamin ng suspek na napulot niya ang sanggol sa Baywalk.
(LEONARD BASILIO)
