ITINANGGI ni Chief Supt. Alexander Ignacio na personal niyang kilala ang modelong si Alyzza Agustin na ginamit ang kanyang calling card para malusutan ang kinasasangkutang traffic violations.
Nilinaw din ni Ignacio na siya ay one star general at hindi two star general na nakapaloob sa calling card na kumakalat sa social networking sites, at hindi niya executive assistant si Agustin.
Aminado si Ignacio na nagbibigay siya ng kanyang card sa kondisyon na hindi ito gagamitin sa ano mang paglabag ng batas.
Tiniyak ng heneral na hindi niya kukunsintihin ang mga taong gumagamit ng kanyang card at ang pribiliheyo ng kanyang ranggo para malusutan ang ano mang paglabag sa batas.
