Tuesday , January 18 2022

“TRO in aid of destabilization”

00 Kalampag percyKUMBAGA sa pelikula, isang malaking “flop” at hindi kumita sa takilya ang mapagkakamalang State of the Nation Address (SONA) na talumpati ni Vice Pesident Jejomar Binay.

Hindi pumatok sa publiko ang mistulang campaign speech at hindi niya naipaliwanag ang kanyang panig sa isyu na overpriced ang proyekto niyang Makati City parking building noong siya’y alkalde pa ng lungsod na itinuloy ng kanyang anak na si Mayor Jun-jun Binay.

Kung wala talagang ginawang anomalya ang mag-amang Binay, bakit hindi sila humarap sa imbestigasyon ng Senado at para doon pasinungalingan ang ibinubulgar ng mga ‘di mapasusubaliang testigo?

Ang paghingi niya ng saklolo sa Korte Suprema para ipatigil ang Senate probe ay desperadong hakbang upang ipatigil ang paglaladlad sa itinatagong baho ng mga Binay.

Ayaw ba niyang ipaalam kung ano talaga ang tunay na kahulugan ng slogan niyang “Ganito kami sa Makati’ sa nakalipas na 28 taon?

Taktika din kaya ito ni Binay para pagsabungin ang hudikatura sa lehislatura upang makalikha ng constitutional crisis?

Sakaling makumbinse niya ang Supreme Court na maglabas ng temporary restraining order (TRO) para ipatigil ang Senate investigation, natural na aalma ang Senado kaya’t makikialam na ang isa pang co-equal branch na Ehekutibo para mabalanse ang takbo ng gobyerno.

Ngunit dahil inuulan na rin ng batikos si Pangulong Benigno Aquino III sa kadedepensa kay PNP chief Alan La Madrid Purisima, baka madamay na siya sa galit ng taong bayan sa korapsiyon.

Kung may tactical alliance si Binay sa mga maka-kaliwang grupo, oposisyon, at Korte Suprema, posibleng maging mitsa ang pagtatanggol ni PNoy kay Purisima para patalsikin siya sa Malacañang.

Sa Constitution, ang Vice President ang next in line sa trono kapag hindi na uubra ang Pangulo.

Kay Binay kaya ang huling halinghing, este, halakhak?

 

PATI INIDORO NI BINAY

“BIDING-BIDINGAN” DIN

SABI ng isang dating konsehal na kaalyado noon ni Binay, walang tunay na bidding kundi pawang “biding-bidingan” lahat ang mga kontrata sa Makati.

Sa mga kubeta pa lang ay natuklasan na hanggang 300% ang ipinatong sa presyo: inidoro (bawa’t isa ay P32,400 ang halaga); lababo (P24,800); urinal (P31,500); at hand dryer (P62,700), pati ang labor cost sa pagkakabit ng mga ito.

Paano ipaliliwanag ni Binay sa BIR kung totoong tumanggap ng sahod na P32,400 ang mga construction workers na nagkabit ng mga nabanggit na materyales, kahit gawin pang P500 kada araw ang minimum wage ng isang obrero?

Hindi ba naisip ni Binay na mas kailangan ng mga maralitang taga-Makati City ang disenteng tahanan kaysa magagarang kubeta sa gusaling-garahe ng siyudad?

Bakit hindi nagawang makagpatayo ni Binay ng in-city housing project o disenteng tahanan na mas kailangan ng mga maralitang iskuwater kaysa magagarang kubeta sa gusaling-garahe ng Makati?

At paano naaatim ng mga Binay na matulog ng mahimbing sa kanyang mansion, habang ang mga iskuwater sa Makati ay sa bangketa nakatira at natutulog?

Ngayon ay unti-unting naiintindihan ng buong bansa kung bakit dapat maipasa agad ng Kongreso ang anti-political dynasty bill.

 

GEN. ALAN PURISIMA:

“MAGPALIWANAG KA!”

INAABANGAN ng publiko, direct from the horse’s mouth, ‘ika nga, ang paliwanag ni Purisima sa paglobo ng kanyang mga nakakalulang kayamanan.

Gaya ni Binay, “from rags to riches” at Cinderella story din ang buhay ni Purisima.

Pero sa karakter ni Purisima, na hindi naman magaling magsalita, tiyak na magkakabuhol-buhol ang kanyang dila kaya mukhang mahihirapan siyang magpaliwanag.

Marami ang duda na pakulo lang ng mga bayarang PR ang paglutang ng dalawang kalalakihan para siraan ang naghain ng kasong plunder laban kay Purisima sa Ombudsman.

Sa totoo lang, ang importanteng isyu na dapat sagutin at ipaliwanag ni Purisima ay kung paano siya nakapagpundar ng multi-milyones na kayamanan, gayong silang mag-asawa ay kapwa sumasahod lang sa gobyerno at hindi naman sila isinilang na mga asendero.

Wala nang kesyo-kesyo o paligoy-ligoy pa, sagutin na lang ng deretsahan nina Binay at Purisima ang tanong: PAANO BA KAYO YUMAMAN?

 

Para sa reklamo, suhestiyon at komentaryo tumawag o mag text sa 09158227400 / Email: [email protected]

 

Percy Lapid

About hataw tabloid

Check Also

Yasmien Kurdi

Yasmien at anak na si Ayesha nagpositibo sa Covid

RATED Rni Rommel Gonzales MAY paalalang hatid ang former Las Hermanasstar Yasmien Kurdi sa mga magulang, matapos niyang …

Heart Evangelista

Heart nilektyuran aroganteng netizen na kumuwestiyon sa ‘di pagbubuntis — Ayoko!… Not your uterus

RATED Rni Rommel Gonzales MISTULANG nakatanggap ng lecture kay Kapuso star Heart Evangelista ang netizen na nagtanong kung bakit …

Blind Item, Man Leaving Sad Woman, magandang aktres

Matinee idol confident na babalikan ni dating GF at ka-live in

HATAWANni Ed de Leon AYON sa kuwento ng isa naming source, confident ang isang dating sikat …

Paolo Gumabao Vince Rillon

Paolo Gumabao mas bet kahalikan ang lalaki

HATAWANni Ed de Leon PARANG walang anuman kina Paolo Gumabao at Vince Rillon ang kuwentuhan tungkol sa kanilang naging …

Annalyn Manalo Jose Manalo

Asawa ni Jose na si Annalyn yumao na

HATAWANni Ed de Leon NABALITA lamang iyon nang ilabas na sa social media ng kanyang …

Leave a Reply