AGAD binawian ng buhay ang isang ginang makaraan pagbabarilin ng dalawang lalaking magkaangkas sa motorsiklo kamakalawa ng gabi sa Marilao, Bulacan.
Tinamaan ng apat na bala sa katawan ang biktimang si Angelita Pascual, 46, residente ng Estrella Homes, Brgy. Patubig, sa naturang bayan.
Batay sa ulat, pasado 7 p.m. habang naglalakad ang biktima pauwi sa kanilang bahay sa nabanggit na subdivision galing sa pagsimba sa Divine Mercy Church, nang sundan ng nakamotorsiklong mga suspek.
Pagkaraan ay biglang bumunot ng baril ang isa sa mga suspek at apat beses na pinaputukan ang biktima.
Sinisilip ng pulisya kung ang negosyong pautang ang motibo sa pagpaslang sa biktima. (MICKA BAUTISTA/
DAISY MEDINA)
