Friday , January 28 2022

2 pusakal na holdaper nasakote ng pulis foot patrol


093014 holdaper arrest prison

BUMAGSAK sa kamay ng mga operatiba ng Manila Police District (MPD) Station-5 na pinamumunuan ni Supt. Romeo Macapaz, ang dalawang notoryus na holdaper sa Ermita at Malate sa Maynila, na sina Romulo Quinao, 38, at Danilo Bello, 39, kapwa miyembro ng Batang City Jail. Narekober mula sa mga suspek ang diamond wedding ring na nagkakahalaga ng P30,000 at Sony Xperia smart phone na nagkakahalaga ng P5,000. (BONG SON)

NAGWAKAS ang pamamayagpag ng tatlo-kataong holdap gang sa bisinidad ng Ermita, Maynila nang masakote ng isang foot patrol policeman habang binibiktima ang mga pasahero sa isang jeepney sa kanto ng mga kalyeng Padre Faura at M.H. Del Pilar sa nabanggit na lugar nitong Sabado.

Sa pinakahuling balita, umabot na sa walong kaso ng robbery hold-up o paglabag sa Republic Act 10591 Section 29 at kaso ng child abuse in relation to Republic Act 7610 Section 10 ang inihain laban sa mga suspek.

Kinilala ang mga suspek na kinasuhan na sina Romulo Quinao y Cabigayan, 38 anyos, walang trabaho, residente sa Block 1 Dubai, Baseco Compound, Port Area; Danilo Bello y Tadeo, 39-anyos, may-asawa, residente sa Block 6 Baseco Compound, Port Area; at isang alyas Bobby (at large).

Nasakote ang dalawa, habang kinukuha ang mga bag, cellphone at iba pang kagamitan ng mga pasahero sa isang jeep na may rutang Divisoria-Baclaran.

Pero hindi nasira ang loob ng isang matandang babae na nagsisigaw ng holdap at nagpagibik ng tulong kaya napansin ni SPO1 Ariel Cagata.

Dahil sa pagsigaw ng matandang biktima agad bumaba sa jeep ang mga suspek pero nahabol at nasakote ni Cagata sina Bello at Quinao.

Mabilis na nakatakbo ang sinabing alyas Bobby na siyang may dala ng mga nakulimbat sa mga pasahero.

Tumanggi pa umano ang dalawa na mga holdaper sila pero nakuha sa kanila ang isang .38 kalibre at isang balisong.

Nanawagan ang pamunuan ng Manila Police District – Ermita Station sa iba pang biktima na magsadya sa kanilang estasyon sa Katigbak Drive, malapit sa Manila Hotel para kilalanin at sampahan ng kaso ang nasakoteng mga holdaper. (HNT)

 

About hataw tabloid

Check Also

abs cbn

 ABS-CBN pinaghati-hatian na

I-FLEXni Jun Nardo PINAGHATIAN na ang iba pang broadcast frequencies na hawak dati ng ABS-CBN. Unang …

NTC ‘di dapat i-bash, pagkuha ng franchise asikasuhin

HATAWANni Ed de Leon ANG ginawang pamimigay ng NTC sa mga dating frequencies ng ABS-CBN sa ahensiya ng Advance Media …

NBI Landbank

NBI pasok sa ‘Landbank theft’

PUMASOK na ang National Bureau of Investigation (NBI) sa mga insidente ng pagnanakaw sa payroll …

012822 Hataw Frontpage

BBM DISQUALIFIED
Yes vote ni Guanzon ayaw bilangin ng Comelec

NANINIWALA si Commission on Elections (Comelec) Commissioner Rowena Guanzon na may mahiwagang kamay na kumukumpas …

electricity meralco

Ex-BM kumasa
GOV. SUAREZ, P4-M UTANG SA ELECTRIC COOP ‘DI BINABAYARAN

TINULIGSA ng isang dating Quezon 4th district board member si Gov. Danilo Suarez sa pag-iwas …

Leave a Reply