Pagmamaldito ni Tom sa fans, OA na

[divider]
ni John Fontanilla

[divider]

SOBRA-SOBRA na raw ang ginagawang pagmamaldito ng Kapuso artist na si Tom Rodriguez sa kanyang mga tagahanga. Kaliwa’t kanan na raw ang pagsusuplado nito  na hindi na nagugustuhan ng kanyang mga loyal supporter.

Ang latest na nakatikim nito ay ang kanyang mga tagahanga sa Davao nang nag-show doon ang actor kamakailan.

‘Di nga raw nagustuhan ng mga tagahanga nito ang ‘di pagpansin sa kanila ni Tom na akala nila ay mabait at very accommodating in person pero hindi pala. Kaya naman disappointed sila dahil hindi man lang daw nakipagkamay o nagpalitrato sa kanila ang actor.