Misis uminom ng gasolina tigok
ZAMBOANGA CITY – Binawian ng buhay ang isang ginang makaraan uminom ng gasolina na hinaluan ng katas ng nakalalasong halaman kamakalawa.
Kinilala ng pulisya ang biktimang si Juliet Limpar Malintad, 30-anyos, residente ng Brgy. Kabatan ng nasabing bayan.
Kwento ng live-in partner ng biktima na si Oscar Alicaway, bago ang insidente ay nag-away sila ni Malintad dahil sa matinding selos ng ginang.
Aniya, inakusahan siya ng biktima na may iba siyang karelasyong babae at nagbantang magpapakamatay.
Dakong 8 a.m. natagpuan na lamang ni Alicaway ang ginang na walang malay. Isinugod niya ang biktima sa pagamutan ngunit idineklarang dead on arrival.
Sinasabing kumuha ang biktima ng ugat ng halamang tubli at inihalo ang katas nito sa gasolina na kanyang ininom.
