Friday , March 29 2024

Laban vs prostitusyon dapat ituloy ng NBI at PNP

00 firing line robert roque

DALAWANG linggo na ang nakararaan nang salakayin ng National Bureau of Investigation (NBI) National Capital Region ang Miss Universal Disco sa F.B. Harrison Street malapit sa panulukan ng Libertad Street sa Pasay City.

Ayon sa sources, nahuli ang club na nag-eempleyo ng dalawang menor de edad na babae. Nakakulong ngayon at hindi papayagang magpiyansa ang isang babae na tumatayong OIC ng club at isang floor manager.

Bukod sa pagtanggap ng mga dalagita bilang dancers at GROs, notorious din ang Miss Universal (MU) sa pagpapalabas ng mga babaeng nagsasayaw nang nakahubad, pag-aalok ng mga “sex gimmick” sa loob ng mga kuwarto, at pagpapa-bar fine ng mga babae na nagbebenta ng panandaliang aliw.

Ang nakapagtataka nito, sa kabila ng raid ng NBI ay patuloy na nag-o-operate ang MU, alok pa rin ang kanilang walang kamatayang “hot” entertainment.

Kahit kasi nakakulong ang OIC ay mayroon na raw pumalit. Si alyas “Rex” na anak ng isang tinatawag na “Mamsy” na ipinagmamalaki raw ang lakas niya sa isang Pasay Judge. Malakas din daw ang loob nilang magpatuloy sa dating gawi dahil protektado raw sila ng isang nagngangalang “Prince” na bagyo ang dating sa Pasay City Hall at sa pulisya.

Kung totoong malakas ang MU sa City Hall at sa Korte, papaano nga naman maipasasara kahit na gabi-gabihin pa ng NBI ang raid nila? Ang puwede lang gawin ng NBI ay manghuli ng mga ilegal na gawin sa loob ng club at irekomenda lang ang pagpapasara sa establisim-yento.

Dito natin mapatutunayan kung talagang malakas nga ang MU sa City Hall at Korte: Kapag hindi ito naipasara sa kabila ng pagkaka-rescue ng NBI sa mga menor de edad.

Sa kabila nito, hindi dapat tumigil ang NBI at maging ang Southern Police District (SPD), National Capital Regional Police Office (NCRPO), at Criminal Investigation and Detection Group (CIDG) sa pagseguro na wala nang ilegal sa loob ng club.

***

Malakas din daw sa mga pulisya ang D’ Czar, isang club sa Roxas Boulevard, Pasay sa harap ng Cultural Center of the Philippines. Hindi raw ito kayang salakayin kahit na may mga ‘milagrong’ nangyayari sa loob ng mga VIP room at puwede rin i-bar fine ang mga babae.

Pawang bigatin daw kasi ang magkakasosyo sa negosyong ito: Si “Pablo,” anak ng dating presidente ng Filipino-Chinese Chamber of Commerce sa Binondo, Maynila; isang Customs broker na may initials na “BB”; isang “Lacson”; at isang “Bot Sison.”

Dapat din sigurong masampolan ito ng NBI.

***

Sa Airport Road sa Baclaran, Parañaque naman, may ilang club na nagmamalaki na ‘kaibi-gan’ na raw nila ang Parañaque Police, SPD, NCRPO, at CIDG kaya malaya na silang makapagbebenta ng panandaliang aliw sa loob mismo ng mga VIP room o kaya sa pagte- “take out” ng mga kostumer sa mga GRO.

Ang mga club at videoke sa Airport Road: Golden Cave, White Isle, Wild Aries, Sky Island, Shane D, Sweet M, Jomarks, Monarks, GoGo, at Haya.

Isama na rin ang prosti-club na Liberty Club at Lala Land club sa Baclaran.

Kung walang katotohanan ang kanilang pagyayabang, dapat lang na patunayan ito ng pulisya.

Dapat lang din siguro itong bigyan ng pansin ng NBI. Bagay lang na maging consistent sa pag-raid nila sa MU Disco.

***

SHORT BURSTS. Para sa mga komento o reaksiyon, mag-email sa [email protected] o mag-tweet sa @Side_View.

Robert B. Roque, Jr.

About Robert B. Roque, Jr.

Check Also

Notoryus na wanted holdaper sa NCR, todas sa enkwentro sa Batangas!

Notoryus na wanted holdaper sa NCR, todas sa enkwentro sa Batangas!

NASAWI ang isang lalaki na tinaguriang kilabot na holdaper at akyat bahay na kabilang sa …

Bernard Kaibigan Palawan

Pamilyang Pinoy protektado sa Palawan ProtekTODO

BATAY sa datos ng Philippine Insurance Commission, nananatiling mababa sa 1.75 porsiyento ang bilang ng …

Marissa Delgado Marian Rivera

 Marissa Delgado tagahanga ni Marian, gandang-ganda sa aktres

RATED Rni Rommel Gonzales SI Marissa Delgado, na gumaganap na si Nova, ang masungit na biyenan ni Marian …

Marian Rivera My Guardian Alien

Marian sa alien—parang ang sarap niyang maging kaibigan

RATED Rni Rommel Gonzales NATANONG ang Kapuso Primetime Queen, Marian Rivera kung naniniwala ba siya na totoong …

Donny Pangilinan Belle Mariano DonBelle Cant Buy Me Love

Serye ng DonBelle laging nasa Top 10 sa Netflix

AYON sa lead stars ng top-rating series na Can’t Buy Me Love na sina Donny Pangilinan at Belle Mariano, mas …

Leave a Reply

Your email address will not be published. Required fields are marked *