Kim Chiu at Coco Martin, malakas ang chemistry (Poso at ulanan scene, nag-trending worldwide)

SA tagal na naming napapanood sina Kim Chiu at Coco Martin ay napansin naming bagay silang loveteam at may chemistry na talaga lalo na kapag may kilig-kiligan ang mga eksena nila sa seryeng Ikaw Lamang.

Iisa ang sabi ng mga nakakapanood na hindi kaya ma-develop na sila sa isa’t isa dahil malakas daw ang tendency na ma-fall si Kim sa binata lalo’t asikaso siyang mabuti sa set? Eh, ‘di ba ang mga babae, vulnerable?

Samantala, sa ilang gabi naming panonood maski na masama ang pakiramdam, nabasa naming nag-trending worldwide ang eksenang poso at sa ulanan na kakaaliw silang panoorin.

Good thing daw hindi na masyadong mabigat ang mga eksena ng Ikaw Lamang kompara sa unang yugto na talagang ililipat mo sa ibang channel.

Sa kabilang banda, ang mga nakaaaliw na eksena nina Gabriel (Coco) at Jacqueline (Kim) ay tiyak na magkakaroon ng problema kapag nabuking na sila ni Natalia (KC Concepcion).

Pero huwag kalimutan na malapit nang matupad ni Gabriel ang paghihiganti sa mga taong nagkasala sa kanya.

ni Reggee Bonoan