HATAW! D'yaryo ng Bayan hatawtabloid.com
NAKADETINE ang isang Malaysia Airlines cabin crew member sa France kaugnay ng mga alegasyong inabuso niya ang isang pasahero na takot sa paglipad sa sinasa-bing disaster-prone na airline.
Ang nasabing kaso, na kinasasangkutan ng chief steward ng Paris-bound flight ng nasabing airline, ang latest setback para sa struggling national carrier, na tinamaan ng kambal na trahedya ngayon taon sa pagka-wala ng isa nilang eroplano at pagbagsak ng isa habang lumilipad sa ibabaw ng bansang Ukraine.
Sa opisyal na pahayag ng airline inihayag ang pagkakadetine ng kani-lang crew member ng French police para kwes-tyonin sa mga alegasyon ng isang pasahero na pinakitaan ng suspek ng ‘inappropriate sexual beha-viour’ sa flight MH20 mula sa Kuala Lumpur noong Agosto 4.
Nagreklamo ang Australian passenger sa mga awtoridad ukol sa insidente matapos mag-touchdown ang eroplano sa Charles de Gaulle airport sa Paris. Sinabi ng pasahero na nangangamba siya sa kanyang biyahe sanhi ng naganap na mga trahedyang kinasasangkutan ng Malaysia Airlines.
Umupo naman sa tabi ng biktima ang steward at doon inabuso ang babae sa pagkukunwaring inaalo ito sa kanyang pangamba.
Nagpahayag ang Malaysia Airlines na makikipagtulungan sa French authorities sa imbestigasyon nito para mabigyang linaw ang pangyayari at matiyak ang kaligtasan ng mga pasahero bilang pa-ngunahing priyoridad.
Kinalap ni Tracy Cabrera
