HATAW! D'yaryo ng Bayan hatawtabloid.com
MANHID ba si Department of Transportation and Communications (DoTC) Secretary Joseph Emilio Aguinaldo Abaya?!
Aba ‘e hindi man lang siya nahihiya sa abala at perhuwisyong naidudulot ng aberya sa MRT sa libo-libong pasahero?!
Inaako raw niya ang “full responsibility” sa lahat ng kapalpakan sa Metro Rail Transit (MRT).
E ano naman ngayon kung inaako ninyo Secretary Abaya?! Makalulutas ba ‘yang pag-ako mo sa sunod-sunod na kapalpakan ng MRT?!
SOLUSYON ang kailangan hindi pag-ako!
Tama si Senator Chiz Escudero, dapat mong tiyakin sa publiko na ligtas sumakay sa MRT.
Kaligtasan ng publiko ang kailangan mong tiyakin. Kung hindi mo kaya, dapat sigurong mag-resign ka na.
Bukod d’yan, dapat busisiin mismo ni Abaya kung bakit gagastusan ng gobyerno ang P3.8 bilyon pambili ng bagong bagon. Ang MRT ay hawak ng private concessionaire na MRT Holdings hindi ba?! E bakit gobyerno ang gagastos?!
Hindi ba’t maliwanag na panggigisa sa sariling mantika ‘yan?!
Secretary Abaya, naririyan ka sa DoTC para proteksiyonan ang mamamayan na nagpapasweldo sa iyo!
At pwede ba tigilan mo na ang pagpapa-kyut sa mga TV/radio interview n’yo!
Hindi na kayo pinaniniwalaan ni Juan dela Cruz!
Para sa mga reaksiyon, suhestiyon, reklamo at sumbong, magtext sa 0915.804.76.30 o mag-email sa [email protected]. Para sa mga nakaraang isyu ng BULABUGIN please visit https://hatawtabloid.com
