PATAY ang isang kelot nang barilin ng isa sa dalawang lalaki na humarang sa kanila ng kanyang live-in partner habang pauwi sa Navotas City, kamakalawa.
Dead on the spot sanhi ng mga tama ng bala sa katawan ng ‘di malamang kalibre ng baril ang biktimang si Jeremy Relacio,27, ng Block 25, Kapitbahayan, Brgy. North Bay Boulevard South (NBBS), ng nasabing lungsod.
Sa ulat ni PO2 Exequiel Sangco, dakong 3:30 a.m., habang magkasamang naglalakad sa Bangus St., ang biktima at live-in partner na si Jenyme Sepagan, nang sumulpot sa kanilang harapan ang dalawang suspek saka pinagbabaril.
Nagsasagawa ng malalimang imbestigasyon ang mga awtoridad upang matukoy ang motibo ng krimen at maaresto ang mga suspek. (ROMMEL SALES)
