INILIBAN ang pagtalakay sa tatlong impeachment complaint laban kay Presidente Benigno “Noynoy” Aquino III sa darating na Agosto 26, 2014.
Sa mensahe na ipinadala ni Congressman Niel Tupas. Jr., chairman ng House Justice Committee, napagdesisyonan na ipagpaliban ang pagtalakay para mabigyan nang kaukulang panahon ang kanyang mga kasamahan na mabasa at mapag-aralan ang nasabing impeachment complaints.
Kung maaalala, unang itinakdang talakayin ang nasabing mga reklamo sa susunod na linggo ngunit dahil sa kakulangan ng panahon ay ipinagpaliban ito at isasagawa ang pagtalakay sa huling linggo nitong buwan.
