Saturday , February 4 2023

P-Noy bukas sa term extension

00 Bullseye Ruther

BIGLANG nag-iba ang ihip ng hangin sa mundo ng politika nang magpahayag si Pres. Noynoy Aquino na bukas na siya sa isyu ng charter change at term extension.

Sa isang panayam sa telebisyon, inamin ni P-Noy noong Miyerkoles na payag na siyang amyendahan ang Konstitusyon. Ang rason ay para masupil daw ang labis na kapangyarihan ng hudikatura na sumisira umano sa balanse ng tatlong ahensya ng pamahalaan.

“Napaisip ako talaga, iyong tinatawag na judicial reach. Iyong Kongreso, iyong executive, kumilos kayo. Pero anytime, puwede namin kayong kastiguhin,” ang paglalarawan ni P-Noy sa kapangyarihan ng hudikatura.

At ang matindi sa pahayag ng Pangulo ay handa na raw siyang makinig sa kanyang mga “boss,” ang mga mamamayan, na mapalawig ang kanyang termino at muling kumandidato.

Malamang ay biglang nabilaukan o nahulog pa sa kanilang kinauupuan ang ibang mga kalaban sa politika nang marinig ang sinabing ito ni P-Noy.

Posibleng nakikinig na naman ang Pangulo sa mga damuhong dakilang sipsip na nakapaligid sa kanya, na hindi marunong mag-isip at pansariling interes lang ang iniintindi.

Kung kakapunin ni P-Noy ang hudikatura at muling tatakbong pangulo ay baka lumabas na diktador siya na tulad ng yumaong Pres. Ferdinand Marcos.

Aminado ang Liberal Party (LP) na si P-Noy pa rin ang pinakamalakas nilang kandidato.

Bumaba man ang kanyang ratings ay tiwala pa rin sa kanya ang marami sa ating mga kababayan.

Malamang na pumalag si Vice Pres. Jejomar Binay sa oras na itinuloy ni P-Noy ang pagtakbo sa 2016 presidential elections. Kompara kay Binay na nangunguna sa mga survey ay mas tiwala pa rin ang mga tao sa sinseridad ni P-Noy, mga mare at pare ko, at sa mga pagsisikap niya para mapangalagaan at mapaunlad ang ating bansa.

Tandaan!

***

ANG pangulo ay puwede lang maglingkod ng isang termino na nagtataglay ng anim na taon.

Ito ang magsisilbing balakid na dapat amyendahan sa Konstitusyon. Kakailanganin ang boto ng three quarters ng Kongreso at pagbuo ng constitutional convention sa pag-amyendang gagawin. Sinubukan itong gawin ng ibang naging pangulo pero kinondena sila ng publiko.

Ano ang lamang ni P-Noy sa kanila, mga mare at pare ko? Bukod sa higit na nakararami ang bilang ng mga kaalyado ni P-Noy sa Kongreso at Senado ay malakas ang hatak niya sa mga mamamayan, na hanggang ngayon ay nariyan pa rin para sumuporta sa kanya.

Manmanan!

***

SUMBONG: “Totoo po may mga sauna bath sa Binondo na sex for sale ang masahista. Ang Barcelona ay may special offer noon, dalawang babae sa isang kostumer. Paliliguan pa bago paligayahin. Minsan ay nakita ko rin na may mga pulis na ang saya-saya nang lumabas sa Top

Royal. Walang silbi mga pulis dito sa station 11. Bakit kinukunsinte nila mga sauna bath?”

Nananawagan tayo sa hepe ng MPD Station 11 na paki-check kung totoo itong “sex for sale” raw sa sauna bath diyan. Baka pinagkakaperahan na iyan ng bata mo nang hindi mo alam.

***

TEXT 0946-8012233 para sa inyong mga sumbong, puna at reklamo.

Ruther D. Batuigas

About Ruther D. Batuigas

Check Also

Naty Castro

Bansag na ‘terorista’ ng ATC kay Doc Naty pinalagan

KINONDENA ni House Deputy Minority leader Rep. France Castro ng ACT Teachers party-list ang pagbabansag …

Rex Gatchalian DSWD

Rex Gatchalian bagong DSWD secretary

ITINALAGA ni Pangulong Ferdinand R. Marcos, Jr., si  Valenzuela City Rep. Rex Gatchalian (1st district) …

money thief

2 Australiana, ninakawan ng Nigerian sa QC condo

TINANGAY ng isang Nigerian ang US$39,000 ng dalawang Australiana na kaniyang katransaksiyon sa negosyo sa …

Rhian Ramos Paolo Contis

Rhian sa pagsasama nila Paolo: Matagal ko na siyang gustong makasama, nagagalingan ako sa kanya

RATED Rni Rommel Gonzales SA unang pagkakataon ay magtatambal sa isang pelikula sina Rhian Ramos at Paolo Contis. …

Cassy Legaspi JK Labajo Darren Espanto

Cassy nagulat, walang alam sa away noon nina JK at Darren 

RATED Rni Rommel Gonzales IKINAGULAT namin na ni wala palang kamalay-malay si Cassy Legaspi na nagkaroon ng mainit …

Leave a Reply