NAGA CITY – Nanlumo ang isang ina nang mabatid na hinalay ng kanyang asawa ang dalawa nilang anak na babae sa Sariaya, Quezon
Sa ulat na ipinadala ng Quezon Police Provincial Office, nabatid na natutulog ang 15-anyos dalagita nang maramdaman na may humahawak sa maselang bahagi ng kanyang katawan.
Laking gulat niya nang makita ang kanyang ama sa loob ng kanyang kwarto.
Agad nagsumbong ang biktima sa kanyang ina hinggil sa pangyayari.
Ngunit nagulat ang dalagita nang mabatid na bukod sa kanya ay una nang ginahasa nang ilang ulit ang 17-anyos niyang ate ngunit hindi nakapagsumbong sa ina dahil sa takot.
Ayon sa 17-anyos biktima, natakot siya sa bantang patayin sila ng kanilang ama kaya piniling manahimik na lamang.
Agad naaresto ang suspek sa follow-up operation.
