Friday , March 29 2024

Kumusta Ka Ligaya (Ika-15 labas)

00 ligaya

PATUNGIO SA KTV BAR NANG BIGLANG SUMAGI SA ISIPAN NI DONDON ANG LUMIPAS NILA NI LIGAYA

“Bakit, Bossing?” puna ni Popeye sa pananahimik ni Dondon sa loob ng sinasakyang taksi.

“W-wala, Popsie… M-may naalala lang ako… ‘Yung dati kong syota…” tugon niya.

“Si Ligaya?” dugtong ni Popeye.

“Kumusta na kaya siya?” nasabi ni Dondon matapos hugutin sa dibdib ang malalim na hininga.

Buhay na buhay sa gunita ni Dondon si Ligaya. Magkasama sila ng dalaga na sa pagdiriwang noon ng kanyang ikalabing-anim na taon ng kapanganakan. Nagbaon sila sa pamamasyal ng pancit, pandesal at softdrinks. Pinagsaluhan nila iyon sa ibabaw ng malaking fountain sa tapat ng Philippine Postal Office sa Lawton. Pati puso niya ay nabusog nang todo sa nadamang kaligayahan sa piling ng dalaga. Nagsubuan sila ng pancit at nakipagsipsipan ng softdrinks sa paggamit nila ng iisang straw. Noon… ah, noon… sa mundo man pala ng mga yagit ay mayroon ding langit!

Mag-aalas-otso pa lang ng gabi ay nandoon na sina Dondon at Poyeye sa bahay-aliwan. Halos apaw na sa mga kalalakihang kostumer ang pinasok nilang establisim-yento. Kikindat-kindat ang neon lights na nagbibigay doon ng liwanag. Maasap sa usok ng sirilyo ang paligid. Mahaharot na tugtugin ang umaalingawngaw na nanggagaling sa music booth. Nasa isang panig iyon ng napakaluwag na espasyo ng bahay-aliwan na ginawang inuman/teybolan ng mga kostumer at ka-partner na GRO. Sa gawing dulo ay may mababang stage na pinagrarampahan ng mga sexy dancer. At sa dakong hatinggabi ay doon idinaraos ang “special show” na pampainit sa dugo ng mga tunay na barako.

Wala sa kondisyong uminom si Dondon. Maaga siyang nagyayang umuwi sa kainumang si Popeye.

“T-teka, Bossing… Panoorin muna natin maya-maya ‘yung special show,” diga sa kanya ng runner-alalay.

“Ano’ng espesyal du’n, Popsie? Iisa lang naman ang itsura ng mga babae ‘pag hubo’t hubad…” ani Dondon na tumapik sa balikat ni Popeye.

“Bossing, iba ang dating ng sexy dan-cer na ‘yun na pinaka-super star dito… At saka, Bossing… naipa-reserve ko na sa VIP ang chicks na ‘yun para sa ‘yo, e,” aniyang napakamot sa batok.

Napangiti si Dondon.

“Urot ka! Kampon ka nga talaga ni Ta-ning…” aniyang nangurot sa tungki ng ilong ni Popeye. (Itutuloy)

ni Rey Atalia

About hataw tabloid

Check Also

Bernard Kaibigan Palawan

Pamilyang Pinoy protektado sa Palawan ProtekTODO

BATAY sa datos ng Philippine Insurance Commission, nananatiling mababa sa 1.75 porsiyento ang bilang ng …

Krystall Herbal Oil

Peleges sa noo nabanat ng Krystal Herbal Oil

Back to BasicNATURE’S HEALINGni Fely Guy Ong Dear Sis Fely Guy Ong,          Magandang araw …

Moira dela Torre Jethro Cerezo

Moira marami ang ginulat: sexy at  parang tin-edyer

SHOWBIZ KONEKni Maricris Valdez Nicasio MARAMI ang nanibago at ginulat ni Moira dela Torre nang ipakikala ito …

KWF PNU UP DLSU

Lagdaan ng Kasunduan ng KWF, PNU-LSC, UP-Lingg, at DLSU-Filipino para sa idaraos na Pandaigdigang Kumperensiya sa Nanganganib na Wika

Idinaos ang lagdaan ng Memorandum ng Kasunduan ng Komisyon sa Wikang Filipino (KWF), Language Study …

80 NorMin Regional RDI Committee members meets for 2024 plans, initiative

80 NorMin Regional RDI Committee members meets for 2024 plans, initiative

Eighty committee members of the Regional Research, Development, and Innovation Committee (RRDIC) of Northern Mindanao …

Leave a Reply

Your email address will not be published. Required fields are marked *