Saturday , January 29 2022

2 parak timbog sa karnap at droga

DALAWANG pulis ang inaresto sa operasyon ng Manila Police District-Anti Carnapping Investigation Section (MPD-ANCAR) matapos tukuyin na nagtutulak ng ilegal na droga  sa Tondo, Maynila, iniulat kaahpon.

Nakapiit sa tanggapan ng ANCAR, sina PO3 Jessie Villanueva, alyas Boy Bayawak; at SPO1 Lovely Bacani, nakatalaga sa Northen Police District Office (NPDO).

Ayon kay Sr. Insp. Rommel Geneblazo, hepe ng MPD-ANCAR, dakong 2:30 ng madaling araw, nang maaresto ang dalawang pulis sa magkahiwalay na lugar sa Maynila.

“Sagasa lang ang operasyon namin sa kanila kasi may nahuling carnapper at nakuhaan ng shabu, sa imbestigasyon lumalabas na si Villanueva pala ang source niya ng shabu, kaya ini-operate na rin ng mga tauhan ko,” ani Geneblazo.

Bago sila naaresto, nagsagawa  ng spotting operation sina SPOs1 Gerardo Rivera, Kelly James Isip, at Jay An Perturbos; PO3 Samuel Pilar; POs2 Derlindo Serrano at Joel Mendez sa panulukan ng Fugoso at Alonzo Sts. Sta. Cruz, Maynila dakong 11 p.m.

Nabatid na naaresto ng mga awtoridad si Larry Santiago, alyas Cholo, 28, residente ng 1478 Fugoso St., dahil sa kasong carnapping kasama ang isang alyas Nonoy sa Pampanga.

Narekober sa kanya ang Yamaha Mio at inamin din na galing kay Villanueva ang dalawang plastic ng shabu na nakuha sa kanya.

Nakompirma na si Villanueva ang pinagkukunan ng shabu ni Santiago nang mabasa ang kanilang transaksiyon sa cellphone na pinagre-remit ng una ng kinita sa droga ang huli.

Nang puntahan ang kasabwat ni Santiago na si Nonoy, naaktohang minamaneho ang kanyang  Zuzuki Sky drive motorcycle na walang plaka kaya sinita.

Nang kapkapan, nakuha kay Villanueva ang 4.9 gramo ng shabu.

Sa interogasyon, idi-deliver sana ni Villanueva kay Bacani ang shabu na nakompirma sa palitan nila ng text messages.

Dinakip si Bacani habang aktong hawak ang shabu sa harap ng Puregold sa Tayuman.

Nahaharap sa kasong paglabag sa Republic Act 9165 ang tatlong naaresto, habang karagdagang kasong carnapping kay Santiago at alyas Nonoy ang isasampa.

(LEONARD BASILIO)

About hataw tabloid

Check Also

abs cbn

 ABS-CBN pinaghati-hatian na

I-FLEXni Jun Nardo PINAGHATIAN na ang iba pang broadcast frequencies na hawak dati ng ABS-CBN. Unang …

NTC ‘di dapat i-bash, pagkuha ng franchise asikasuhin

HATAWANni Ed de Leon ANG ginawang pamimigay ng NTC sa mga dating frequencies ng ABS-CBN sa ahensiya ng Advance Media …

NBI Landbank

NBI pasok sa ‘Landbank theft’

PUMASOK na ang National Bureau of Investigation (NBI) sa mga insidente ng pagnanakaw sa payroll …

012822 Hataw Frontpage

BBM DISQUALIFIED
Yes vote ni Guanzon ayaw bilangin ng Comelec

NANINIWALA si Commission on Elections (Comelec) Commissioner Rowena Guanzon na may mahiwagang kamay na kumukumpas …

electricity meralco

Ex-BM kumasa
GOV. SUAREZ, P4-M UTANG SA ELECTRIC COOP ‘DI BINABAYARAN

TINULIGSA ng isang dating Quezon 4th district board member si Gov. Danilo Suarez sa pag-iwas …

Leave a Reply