HATAW! D'yaryo ng Bayan hatawtabloid.com
ni Roldan Castro
HINDI talaga kami pabor sa #PBBMondayPasabog na si Daniel Matsunaga ang ibinoto nila na ma-evict at makakalaban ni Manolo. Dapat talaga ‘yung tamad ang Ibinoto nila.Unfair ‘yung may napatunayan na, ‘yun ang pauuwiin.
Bakit pa pinasok sa PBB si Daniel kung ang basehan ay ibigay ang chance sa mga nangangailangan ng pagkakataon at oportunidad. Porke’t may career na sa labas si Daniel ay siya ang pinagkaisahan ng mga housemate.
Parang hindi ko rin maatim na mapapasama sa Big 4 ang tamad sa bahay kaya dapat ay maging matalino ang taumbayan kung sino ang ililigwak nila.
Next time, dapat ay itigil na rin ang PBB All In. Parang magulo na nagsasama ang mga celebrity at teen. Tingnan mo ngayon agrabyado si Daniel sa naging desisyon nila.
Isa pang himutok ng mga baklita, iisa na lang ang lalaki sa PBB house na naiwan at tamad pa. Hindi pa natin alam kung sino ang maiiwan kina Manolo at Daniel para maging dalawa sila.
So, mas angat ngayon sa PBB house ang mga babae. Nawawalan tuloy ng gana ang mga baklitang manonood na baka puro babae na ang maiwan, huh! Mamamatay daw ang market ng mga diwata at sirena.
Boom!
