ni Pilar Mateo
[divider]
ISANG may pisikal na kapansanan ang karakter na bibigyang-buhay ni Xian Lim sa MMK (Maalalaa Mo Kaya) ngayong Sabado, Agosto 9.
Gagampanan ni Xian ang katauhan Johnny Medrano na isa sa napiling finalist ng Gawad Geny Lopez, Jr. Bayaning Pilipino 2014. Sa kabila ng kanyang kapansanan ay nagawa nitong suportahan ang pamilya at tulungan ang kanyang komunidad.
Tuklasin sa nasabing episode kung paanong ang isang taong minaltrato at naging biktima ng deskriminasyon at kawalang hustisya ay nagagawang mamuhay ng normal habang tinutulungan ang mga katulad niyang may kapansanan na dumaranas din ng pang-aapi.
Tampok din sa episode sina Isay Alvarez, Joey Marquez, Raine Salamante, Izzy Canillo, Kyline Alcantara, at Mary Joy Dalo. Ito ay sa ilalim ng direksiyon ni Garry Fernando at panulat niJoan Habana.
Ang MMK ay pinamumunuan ng business unit head nito na si Malou Santos at creative manager na si Mel Mendoza-Del Rosario.
Tila ito na ang pinaka-mabigat na challenge sa kakayahan ni Xian sa pagganap sa madramang episode ng MMK.
