HATAW! D'yaryo ng Bayan hatawtabloid.com
Pumili si Biboy ng tatlong numero sa mga numerong nakaanunsiyo sa white board sa loob ng counter ng kahera. Binayaran niya sa kahera ang kaukulang halaga para sa serbisyo ng aming magiging mga ka-partner. Tipong kabisado na niya ang kanya-kanyang numero ng tatlong masahista na nakakabit sa dulo ng kapirasong kahoy na may susi ng tig-iisang cubicle.
Tsampiyon sa ganda at kaseksihan ang mga tsikas na magpapaligaya sa aming tatlong magkakasama. Ang siste nga lang ay mistulang sasabunging manok na biglang nangupete si Taba-Choy sa harap ng kalaban.
“A-ano’ng ibig sabihin nito?” bulalas nito na mala-eng-eng ang dating.
Nakupuuu! May lalaki palang gaya ni Taba-Choy na sa labas ng paaralan ay nawawala ang katalinohan at pagiging ismarte.
Humapit sa baywang ni Taba-Choy ang braso ng malanditang masahista.
“Ibibiyahe kita patungong langit,” aniyang humalik-halik sa leeg ng aking boardmate.
Magpupumiglas pa sana siya sa tsikas kundi sa magagandang pananalitang binitiwan ni Biboy: “Sumama ka na sa partner mo, ‘Pre… ‘Di ka naman rereypin n’yan, e. May magagawa ba siya kung talagang ayaw mo.”
Sumegunda ako: “ Sige na, ‘Dre… Pwedeng magkwentuohan lang kayong dalawa. O kaya naman ay masahe lang talaga ang ipagawa mo sa kanya.”
At palihim kong kinindatan ang masahistang ka-partner ni Taba-Choy.
Naitoka sa amin nina Biboy at Taba-Choy ang tatlong magkakadikit-dikit na cubicle. Nari-nig ko ang pagbubukas ni Biboy sa zipper ng kanyang pantalon nang lumapat ang pinto ng cubicle nila ng ka-partner na masahista. Kumbaga sa kotse, ako naman noon ay nagsisimula nang magpainit sa makina ng aking sasakyan.
Ilang minutong namayani ang katahimikan sa tatlong cubicle na inokupahan namin nina Biboy at Taba-Choy.
Makaraan pa ng ilang minuto ay inabutan ko si Biboy sa labas ng cubicle ng ka-partner niyang masahista. Naisaayos na niya ang mga kasuotan. Plantsado na uli ang kanyang buhok. At maluwag na maluwag ang ngiti sa kanyang mga labi.
“Si Robert?” pagtatanong ko kay Biboy.
Isinenyas niya na naroon pa sa loob ng cubicle ang aking boardmate. (Itutuloy)
ni Rey Atalia
