Thursday , July 25 2024

‘Tong-pats’ sa parking lumobo pa ng P1.6-B (Sa plunder vs Binay)

080714_FRONT

HINDI lang P1.3 bilyon, kundi P1.6 bilyon ang overpricing o ipinatong na presyo sa pagtatayo ng kontrobersiyal na parking building ng Makati City Hall.

Ibinunyag ito kahapon ni Atty. Renato Bondal, ang abogadong nagsampa ng plunder case laban kina Vice President Jejomar Binay at anak na si Mayor Jejomar Erwin “Junjun” Binay ng Makati.

Ayon kay Bondal nabisto niya ang dagdag na “tong-pats” nang ilabas kamakailan ng Commission on Audit ang report tungkol sa unang imbestigasyon sa kontrobersyal na Parking Building.

“Kung hindi dahil sa COA, hindi mabubuking na P1.6 bilyon pala ang kabuoang tong-pats na naikarga sa gastusin para sa pagpapatayo ng Makati City Hall Parking Building—ang pinakamahal na parking building sa buong mundo,” ani Bondal, lead convenor ng United Makati Against Corruption (UMAC).

“Dahil sa nadiskubre nating ito, aamyendahan ko ang reklamo sa Ombudsman at dadagdagan ko ang mga dokumentong ibibigay sa nasabing ahensya,” ani Bondal.

Sa naunang reklamong isinampa sa tanggapan ng Ombudsman nina Atty. Bondal at Nicolas “Ching” Enciso – imbes P245,558,248 ang halaga ng pagtatayo ng gusali, pinalabas na P1.560 bilyon nang itayo noong 2007.

Isinasaad sa sumbong, mayor pa si Vice President Binay nang panahong maganap ang anomalya ng bagong Makati City Hall Building 2 na binubuo ng 11 palapag, 5 palapag dito ang parking space.

May roofdeck ang gusali at mayroon din basement parking samantala ang anim na iba pang palapag ay inookupa ng mga opisina.

Alinsunod sa alegasyon nina Bondal at Encisco, “over-priced” nang mahigit P1.34 bilyon ang proyekto.

Konsehal noon ang kasalukyang alkalde ng Makati na si Mayor Junjun Binay.

Isinaad sa “charge sheet” na ang halaga ng konstruksyon ng gusali ay umabot sa P48,859 kada metro-kwadrado samantala ang tunay na halaga ng konstruksyon ng mga gusaling komersyal at iba pa sa lugar ay P7,691 kada metro-kwadrado lamang.

Nagsumite sina Bondal at Encisco ng estadistika mula sa National Statistics Office upang patunayan ang kanilang paratang.

Sa panayam kahapon, ipinaliwanag ni Bondal na kailangan niyang amyendahan ang naunang reklamo dahil lumabas sa COA report na mahigit P2 bilyon na ang nagagastos ng Makati City Hall sa pagpapatayo ng parking building.

Ayon kay Bondal, ang konseho ng siyudad ay nagpasa ng ordinansa noong Nobyembre 8, 2007 (2007-A-015) na inaprubahan ng nakatatandang Binay na naglaan ng P400 milyon para sa pagtatayo ng gusali.

Ito ay sinundan pa ng ibang mga ordinansa (No.2010-A-005; 2011-A-038; 2012-045 at 2013-016) na nagdaragdag ng pondo na nagkakahalaga ng P1.16 bilyon para sa proyekto.

Pero lumabas sa COA report na bukod sa nasa-bing mga ordinansa, may iba pang nakatagong ordinansa ang ipinasa ng konseho ng Makati mula 2007 hanggang 2013 para madagdagan ang gastos sa pagpapatayo ng Parking Building.

“Para sa Phase I hanggang Phase V ng proyekto, sinabi ng COA na umaaabot sa P2,367,679,633.95 ang kabuuang halaga na nagastos sa pagpapatayo ng kontrobersyal na building,” ani Bondal.

“Ibig sabihin, hindi lamang P1.3 bilyon ang tong-pats sa parking building, kundi mahigit sa P1.6 bilyon,” paliwa-nag ni Bondal.

Ani Bondal, hindi siya magtataka kung lolobo pa ang halaga sakaling madiskubre ng Ombudsman ang iba pang dokumento kaugnay sa nasabing plunder case.

Bukod sa mag-amang Binay, akusado rin ang mga konsehal na nagsilbi noong 2007 hanggang 2013, kabilang na sina Ferdinand Eusebio,

Arnold Magpantay, Romeo Medina, Tosca Puno Ramos, Maria Alethea Casal-Uy, Ma. Concepcion Yabut, Virgilio Hilario, Monsour Del Rosario, Vince Sese, Nelson Pasia, Salvador Pangilinan, Elias Tolentino, Ruth Tolentino, Henry Jacome, Leo Magpantay, Nemesio “King” Yabut, Armand Padilla, Israel Cruzado, Maria Theresa De Lara, Angelito Gatchalian at Erbesto Aspillaga. Ksama rin sa reklamo si COA Auditor Caganan. (May kasamang ulat ni MON ESTBAYA)

HATAW News Team

About hataw tabloid

Check Also

Bong Revilla Jr Denver Chua Jolo Revilla Cavite

200 + pamilyang biktima ng sunog sa Cavite City dinalaw ni Senator Bong

DINALAW ni Senator Ramon “Bong”Revilla, Jr., ang mahigit sa 200 pamilyang nasunugan sa Brgy. 5 …

Marian Rivera Kath Melendez Nekocee

Kath Melendez ng Nekocee na-starstruck kay Marian

SHOWBIZ KONEKni Maricris Valdez Nicasio MALAKING challenge para sa production ng Cinemalaya movie ni Marian Rivera, ang Balota kung paano siya …

Carina ulan baha

Klase suspendido sa Metro Manila at Cavite Province

SUSPENDIDO ang klase sa ilang paaralan sa Metro Manila at lalawigan ng Cavite dahil sa …

072324 Hataw Frontpage

POGO ‘TODAS’ KAY BONGBONG

“EFFECTIVE today all POGOs are banned.”                Inihayag ito ni Pangulong Ferdinand R. Marcos, Jr., …

Cruise Visa Waiver DOT DOJ Immigration

PH target maging tourist hub of Asia  
CRUISE VISA WAIVER INILUNSAD NG BI DOT, DOJ NAKIISA

PARA higit na palakasin ang turismo sa bansa, inilunsad ng Bureau of Immigration (BI) ang …

Leave a Reply

Your email address will not be published. Required fields are marked *