ISINUGOD sa ospital ang isang pintor makaraan matumbok ng rumaragasang ambulansiya habang tumatawid sa Maharlika Highway, Brgy. San Miguel, Sto. Tomas, Batangas kahapon ng umaga.
Tumatawid sa nasabing lugar bandang 7 a.m. ang biktimang si Jason Moya, nang mabundol ng ambulansiyang pag-aari ng gobyerno, na Nissan Urvan, (SJS-361) habang minamaneho ni TSgt. Irwin Opena, ng Philippine Army na nakatalaga sa Camp Nakar, Lucena City.
Agad naisugod ni Opena sa pagamutan ang biktima. (BETH JULIAN)
