Tuesday , July 23 2024

Batas sa savings pangontra sa SC ruling (Palasyo aminado)

AMINADO ang Palasyo na kaya nila inihirit sa Kongreso na gumawa ng batas na nagtatakda ng kahulugan ng “savings” sa pambansang budget ay upang mabalewala ang desisyon ng Korte Suprema na unconstitutional ang Disbursement Acceleration Program (DAP) ng administrasyong Aquino.

“The SC described the beneficial effects of DAP but at the same time stated that the Executive Dept.’s take on savings was wrong, how do we then remedy it or how do we ensure the beneficial effects to continue? The answer is if we want the positive effects to continue, then the Congress must redefine savings to ensure the beneficial effects continue,” paliwanag ni Presidential Spokesman Edwin Lacierda.

Ngunit iginiit ni Lacierda na hindi nila sinusuwag ang Korte Suprema dahil ang prinsipyo ng “checks and balances” ay pinahihintulutan na ituwid ang pagkakamali, kahit pa pinaninidigan ng Palasyo na wasto ang DAP.

“It is not circumvention because the principle of checks and balances precisely allow such a remedy,” depensa pa ni Lacierda sa paghingi ng saklolo ng Palasyo sa Kongreso .

Nauna nang inihayag ni Budget Secretary Florencio Abad sa budget hearing sa Kongreso na ang Kongreso lang ang may mandato na magbigay ng kahulugan sa “savings” hindi ang Korte Suprema.

“We go to Congress because inasmuch as Congress exercised its lawmaking power to define savings. It also has the power to redefine savings to preserve the gains and to give statutory basis for the Executive Dept. to implement projects covered by savings,” sabi ni Lacierda.

Magugunitang sinabi ni Korte Suprema na nilabag ng administrasyong Aquino ang 1987 Constitution nang kolektahin ang “savings” ng iba’t ibang ahensiya ng pamahalaan at ipinamahagi ito sa mga mambabatas para pondohan ang mga proyektong hindi inaprubahan sa pambansang budget.

Anang Kataas-taasang Hukuman, pwede lamang ideklara ang “savings” sa katapusan ng fiscal year, kapag ang layunin ng mga pondo ay nakamit o hindi na kailangan ang mga pondong ito.

(ROSE NOVENARIO)

About hataw tabloid

Check Also

Sonny Angara DepEd

Panawagan kay Angara
SUWELDO NG MGA GURO ITAAS, ‘KORUPSIYON’ SA DepEd DAPAT TUGUNAN — TINIO

NANAWAGAN si dating ACT Teachers Rep. Antonio “Tonchi” Luansing Tinio kay bagong-upong Department of Education …

FEHI, DHSUD sanib-puwersa para sa programang pabahay

FEHI, DHSUD sanib-puwersa para sa programang pabahay

NAGSANIB-PUWERSA ang kompanyang Far East Holdings Inc. (FEHI) at ang Department of Human Settlement and …

First Lady Liza Araneta-Marcos, namahagi ng mobile clinics

First Lady Liza Araneta-Marcos, namahagi ng mobile clinics

NAMAHAGI si First Lady Louise “Liza” Marcos, sa pakikipagtulungan ng Department of Health (DOH) ng …

Isko Moreno

Isko Moreno llamado sa muling pagtakbo sa Maynila

HATAWANni Ed de Leon ANO tatakbo na naman si Isko Moreno bilang mayor ng Maynila sa 2025? …

prison

300 PDLs mula Bilibid inilipat sa Iwahig Prison sa Palawan

INILIPAT ang may 300 persons deprived of liberty (PDLs) mula sa New Bilibid Prison (NBP) …

Leave a Reply

Your email address will not be published. Required fields are marked *