Wednesday , July 24 2024

Robin, inalam muna ang estado nina Ryan at Willie bago tinanggap ang Talentadong Pinoy

080514 willie  ryan robin mariel
ni Roldan Castro

TALENTADONG couple kung tawagin ngayon sina Robin Padilla at Mariel Rodriguez dahil sila ang magho-host ng pagbabalik ng Talentadong Pinoy na magsisimula sa August 16 sa TV5.

Nakatsikahan namin ang mag-asawa sa photo shoot nila para sa naturang show sa TV. Hindi naman daw napi-pressure si Robin na galing ang show kay Ryan Agoncillo at naging matagumpay ito.

“Ang lahat ng bagay dito sa mundo, kung ano ang ikaloob ng Panginoong Diyos, ‘yun ako, hindi ako mapi-pressure. Basta ibibigay namin ni Mariel ang 100. Sasamahan namin ng dasal, kung anuman ang mangyari, eh,’yun ang  kaloob, eh!

“At ako naman hindi namin masasabi na amin ni Mariel ang show. Sa ngayon  ay kami ang tatayong host, hindi natin alam kung babalik si Ryan o mapupunta rin kay Willie (Revillame), hindi natin alam, eh. Sa ngayon ay kami ang host na gawing bida ‘yung mga talentadong Pinoy. Basta gagawin namin ang the best namin,” sey ng action superstar-TV host.

Bago tinanggap ang show ay inalam niya muna kung ano ang nangyari kina Ryan Agoncillo at Willie Revillame kaya hindi sila natuloy sa show.

“Siyempre una kong inalam, ayokong may masasagasaan, tinanong ko agad kung ano ang nangyari kay Ryan, tapos ‘yung pangalawa, ‘yung usapan kay Willie bago ko tinanggap,” deklara niya.

Marami ring suggestion si Robin para sa show. Gusto niya sana ay makilala ang mga pamilya ng contestant at pumunta sa bahay-bahay nila. Pero nabaril ito dahil baka raw maakusahan sila na may bias sa  nasabing talent show.

Ang naaprubahan ay sabay-sabay nilang ka-lunch ang mga contestant bago mag-start ang taping para makilala raw niya ang mga ito maski sa pangalan lang.

Ayaw daw niya kasi na during the show ay parang kaplastikan lang ang nangyayari at wala siya talagang konek sa mga contestant.

Binigyan din ng power si Robin na maging abogado ng contestant bawat episode. ‘Pag ibinaba ng judges ang kurtina puwede mailigtas ni Binoe at ipagtatanggol niya sa mga hurado.

Hindi ipinagkaloob kay Mariel ang power na ‘yun pero magsisilbi siyang taga-awat at taga-kalma ‘pag nakikipag-initan na si Binoe sa mga hurado.

Samantala, hindi naman nila nakikita na maapektuhan ang show kung sakaling may LQ sila. Bihira raw mangyari ‘yun. Pag-amin ni Robin, siya lang naman daw ang nakikipag-LQ na mababaw ang dahilan.

Tinanong din kung kailan sila magkaka-baby dahil perfect 10 ang ibinibigay ni Robin sa asawa bilang  wife.

Sabi nila ay pag umabot na ng 32 si Mariel. So, may dalawang taon pa silang ibinibigay para bumuo ng baby. Sa ngayon ini-enjoy pa ni Binoe na siya ang baby ni Mariel.

About Roldan Castro

Check Also

Cecille Bravo PWDW Filmfest Peoples Legacy Awards

PWDW Filmfest People’s Legacy Awards 2024 matagumpay

MATABILni John Fontanilla MATAGUMPAY ang inaugural PWDW Film Fest People’s Legacy Awards 2024 na ginanap sa  QCX …

GMA Gala PBB Gen 11

PBB at GMA Gala nagtapatan, sino ang nag-trending?

I-FLEXni Jun Nardo KATAPAT sa  streaming ng GMA Gala ay ang pagbubukas muli ng Bahay ni Kuya …

Barbie Forteza Herlene Budol Kyline Alcantara Kobe Paras

Barbie patakbong tinulungan si Herlene; Kyline nakaw-eksena sa kasamang escort 

I-FLEXni Jun Nardo HINANGAAN si Barbie Forteza na nakuhanang tumulong kay Herlene Budol nang mahulog ito sa isang bahagi …

Sophia Nadia Montenegro Baron Geisler

Baron wala pang pag-amin na anak si Sophia

HATAWANni Ed de Leon HINDI diretsahang inamin ni Baron Geisler na anak nga niya ang bunsong anak …

Isko Moreno

Isko Moreno llamado sa muling pagtakbo sa Maynila

HATAWANni Ed de Leon ANO tatakbo na naman si Isko Moreno bilang mayor ng Maynila sa 2025? …

Leave a Reply

Your email address will not be published. Required fields are marked *