TATLONG kasapi ng isang pamilya ang patay nang makulong sa nasusunog na bahay sa Brgy. Coronon, Sta. Cruz, Davao del Sur nitong Lunes ng tanghali.
Kabilang sa mga namatay ay si Noriza Hilay, walong buwan buntis; anak na si Paulo, 2; at pamangkin na si Hinata, 3-anyos.
Ayon sa kasambahay na si Susana Montecerin, natutulog ang tatlo sa ikalawang palapag ng bahay nang magsimula ang sunog.
Sinubukan nilang iligtas ang mga biktima ngunit dahil sa lakas ng apoy ay hindi na nila nagawang isalba kaya kasamang nilamon ng apoy.
Inaalam pa ng Bureau of Fire Protection (BFP) ang dahilan ng sunog o kung may kinalaman sa electrical short circuit. (BETH JULIAN)
