HATAW! D'yaryo ng Bayan hatawtabloid.com
LAGUNA – Patay sa ambush ang isang negosyateng nagmamay-ari ng club at ang kanyang driver nang tambangan ng riding in tandem sa harap mismo ng kanyang bahay sa Landmark Subdivision, Brgy. Parian, Calamba City, kahapon ng umaga.
Sa ulat na ipinarating kay Laguna Police Provincial director S/Supt. Romulo Sapitula, kinilala ang biktimang si Fedelinio Dejano, 52, may-ari ng Discovery Disco Club, residente ng Cataquez Subdivision, Brgy. Tagapo, Sta. Rosa, Laguna.
Si Dejano ay sinabing bise-presidente rin ng Laguna Thursday Civic Club (LTCC).
Patay din ang kanyang tsuper na kinilalang si alyas Puloy.
Tig-limang tama ng punglo sa ulo at katawan ang umutas sa mag-amo.
Bandang 5:30 a.m, papasok sa gate ng kanilang bahay ang biktima sakay ng Mitsubishi car, may plakang XBC-902 nang barilin ng mga suspek gamit ang kalibre .45 baril.
Tinangay ng mga suspek ang mga alahas, pera at mahahalagang gamit ng mga biktima sa kanilang pagtakas.
(Boy Palatino)
