Thursday , July 18 2024

Cardinals binaon ng Blazers

IPINATIKIM ng College of Saint Benilde Blazers ang pang-anim na sunod na kabiguan ng Mapua Cardinals matapos ilista ang 79-72 panalo ng una sa 90th NCAA basketball tournament sa The Arena sa San Juan City.

Bumira si Mark Romero ng 26 puntos, apat na assists at tig dalawang rebounds at steals upang igiya ang Blazers sa unang back-to-back wins ngayong season at ilista ang 2-3 win-loss record.

Tangan ng Blazers ang manibela sa buong laro subalit medyo kinabahan sila ng bahagya sa huling limang minuto at 13 segundo sa fourth period nang mahablot ng Cardinals ang abante mula sa fastbreak points ni Leo Gabo, 65-64.

Bumawi naman agad ng back-to-back baskets sina Jonathan Grey at Romero para sa 67-64 bentahe ng CSB.

“We can’t go one-on-one, dapat hanapin namin kung sino ang libre but I’m happy because at the end kami pa rin ang nanalo,” wika ni Saint Benilde coach Gabby Velasco.

Umarangkada ng 11-1 run ang Blazers para paabutin sa 16-point lead, 56-40 papalapit na sa fourth period.

Nakadikit pa ang Cardinals, 75-72 papasok ng final minute subalit sinelyohan ng tres ni Romero ang laro para sa 78-72 bentahe may 43 segundo na lang sa orasan.

Si Grey ang sumegundo sa opensa para sa Blazers matapos bumira ng 17 puntos, anim na boards at limang assists.

May 16 puntos at limang assists si Gabo para sa MIT habang may tig 14 puntos sina Carlos Isit at Jessie Saitanan.

Sa pangalawang laro, nasungkit ng Lyceum of the Philippines University Pirates ang 73-67 panalo kontra sa Emilio Aguinaldo College Generals.

Tumapos si Wilson Baltazar ng 20 puntos habang may 15 at 14 markers sina Dexter Zamora at Joseph Gabayni ayon sa pagkakasunod upang ipinta ang 4-2 card at masolo ang fourth spot sa team standings.

Sinalpak ni Zamora ang crucial floater may 27.1 ticks sa orasan para makuha ang lamang ng LPU 69-67.

Dahil sa pagkatalo nalasap ng Generals ang pang-apat na talo sa limang laro. (ARABELA PRINCESS DAWA)

About hataw tabloid

Check Also

National University NU Lady Bulldogs SSL National Invitationals

NU Kampeon sa SSL National Invitationals

IGINAWAD nina Philippine Sports Commission (PSC) Commissioner Fritz Gaston at Vicente Gregorio President/CEO ng Shakey’s …

PBA draft 2024 Justine Baltazar

Justin Baltazar, no.1 pick sa PBA Season 49 Draft

PINILI ng Converge Fiberxers team si Justine Baltazar, 27 anyos, 6-foot-9 UAAP Champion noong 2016, …

Shakey’s Super League National Invitational inilunsad

Shakey’s Super League National Invitational inilunsad

INIHAYAG ni Vicente L. Gregorio, Shakey’s Pizza Asia Ventures Inc. (SPAVI) President/CEO (may mikropono) ang …

Tristan Jared Cervero Chess

Cervero naghari sa Marikina chess tournament

Marikina City — Naghari si Tristan Jared Cervero, isa sa mga nangungunang manlalaro ng Ateneo …

Jan Emmanuel Garcia Xiangqi

ADMU chess team program Head Jan Emmanuel Garcia nanatili sa tuktok ng liderato

Standing After Round 3: (Group B)3.0 points — Jan Emmanuel Garcia, Wang Sing, Cai Jiu …

Leave a Reply

Your email address will not be published. Required fields are marked *