Commitment order kay Napoles conflict sa ibang court order
KOMPLIKADONG court order ang idinahilan ni PNP PIO head, C/Supt. Reuben Theodore Sindac kaya hindi natuloy ang paglilipat kay Janet Lim-Napoles sa BJMP jail facility sa Camp Bagong Diwa, Taguig City.
Kamakalawa, ipinag-utos ng Sandiganbayan 3rd division na ilipat na si Napoles sa female dormitory ng BJMP mula sa Fort Sto. Domingo.
Ayon kay Sindac, nag-iingat lamang sila dahil may kautusan din sa pulisya ang Makati RTC na nagsasabing dapat manatili sa kanilang kustodiya si Napoles.
Dahil dito, hihilingin ng PNP at BJMP na magkaroon ng koordinasyon ang dalawang hukuman upang magkaroon ng bago at malinaw na commitment order para sa pagkukulungan kay Napoles.
Habang nakahanda ang kampo ni Napoles na tumalima sa direktiba, ngunit maghahain pa rin sila ng motion for reconsideration na sa Fort Sto. Domingo na lamang manatili ang kanilang kliyente dahil sa isyu ng seguridad.
