Wednesday , July 17 2024

NBA “five on five” games with Gilas Filipinas charity o panggogoyo?

00 Bulabugin

HINDI raw nagkaintindihan … ‘yan ang katuwiran ni business tycoon Manny V. Pangilinan nang hindi matuloy ang paghaharap ng NBA All-Stars vs GILAS Pilipinas para sa “FIVE ON FIVE” games nitong nakaraang Martes.

Kabilang sa NBA team sina Houston Rockets’ James Harden, San Antonio Spurs’ Kawhi Leonard, Damian Lillard ng Portland Trailblazers at DeMar DeRozan ng Toronto Raptors.

Ang “five on five” ay nakatakda sana nitong Martes at Miyerkoles pero sa unang gabi pa lang ay nadesmaya at nabwisit na ang fans dahil wala naman palang games kundi practice drills lang umano.

What the fact!?

Doon na nagsigawan ang fans. Talagang dumagundong ang “BOO” at “GIVE US BACK OUR MONEY!”

‘E mantakin naman ninyong gumastos ‘yung fans ng P23,300 (US$530), ‘yung iba P10,000 pagkatapos papanoorin lang sila ng practice drills?!

Nang hindi pa rin tumitigil ang sigawan ng fans, napilitan yatang magsalita ‘yung organizers at sinabing ire-refund na lang nila pero may pahabol na ang nasabing event na co-sponsored ng Philippine Long Distance Telephone Co. (PLDT) ay para sa charity.

‘E ‘yun na nga ‘yun ‘di ba … wala naman problema kung para sa charity ‘yan pero dapat tumupad sila sa inaasahan ng fans.

Kaya marami ang nag-isip, para ba talaga sa charity ‘yan NBA All-Stars vs Gilas Pilipinas o panggogoyo lang talaga?!

By the way, saan, kanino at kailan ba ire-refund ‘yang mga tiket na ‘yan?!

Nag-commit nga kayo na ire-refund ninyo pero hindi n’yo naman sinabi kung saan, kanino at kailan?!

Hay naku, wala kayong ipinagkaiba sa serbisyo ng PLDT … BOOM BULOK!

PAALAM TATA KUNE (CORNELIO R. DE GUZMAN)

BUKAS, araw ng Linggo, ihahatid na sa huling hantungan ang isa sa mga kinikilalang manunulat at mamamahayag sa bansa — si Cornelio “Tata Kune” De Guzman.

Supling ni Tata Kune ang ilang beses nang nahalal na Director ng National Press Club (NPC) na si Tempo editor Ronniel de Guzman — ang ama naman ng kontemporaryong actor na si JM De Guzman.

Hindi ko malilimutan si Tata Kune … dahil mula sa unang pagkakataon na ako’y tumakbong direktor ng NPC (2004) ay hindi lang niya ako sinuportahan kundi ikinampanya pa.

At sa bawat pagtakbo natin hanggang maging Pangulo ang inyong lingkod ng NPC noong 2010 – 2012 laging nakaalalay si Tata Kune at ang mga kasama niyang NPC Lifetime Members.

Hindi lang suporta, kundi naramdaman din natin ang pusong-ama ni Tata Kune sa mga panahon na tayo’y kanyang pinapayuhan.

Kay Tata Kune, hindi kailangan dumaing, siya mismo, para siyang sariling tatay na nararamdaman kapag kailangan mo ng payo at mga pangaral.

Sa mga batang mamamahayag, alam natin na bihira na lang ang nakakikilala sa kanya …nanghihinayang tayo para sa mga batang hindi na siya nakilala …

Naalala natin noong panahon na tayo’y nanunungkulan bilang NPC President, binibigyan natin ng pagkilala ang NPC LIFETIME MEMBERS kahit posthumous na.

Naniniwala tayo na deserving si Tata Kune para sa ganitong pagkilala.

Paalam Tata Kune … hangad natin ang iyong mapayapang paglalakbay patungo sa Dakilang Pinagmulan.

Para sa mga reaksiyon, suhestiyon, reklamo at sumbong, magtext sa 0915.804.76.30 o mag-email sa [email protected]. Para sa mga nakaraang isyu ng BULABUGIN please visit https://hatawtabloid.com

About Jerry Yap

Columnist at HATAW D'yaryo ng Bayan / CHRONICLE (Customs); National Press Club of the Philippines President (2010-2012), Treasurer (2012), Director (2004-2010) and National Chairman at ALAM (Alab ng Mamamahayag)

Check Also

Maris Racal Rico Blanco Anthony Jennings

Maris nilinis pangalan ni Anthony; Rico pinagtagpo pero hindi itinadhana

SHOWBIZ KONEKni Maricris Valdez Nicasio “ANTHONY is out of the picture.” Ito ang agad na nilinaw …

Bini SB19 Flow G

SB19, Bini pinadagundong ang Araneta, Puregold’s Thanksgiving Concert star studded

SHOWBIZ KONEKni Maricris Valdez Nicasio NAKABIBINGI at parang nasira ang aming ear drum sa sobrang …

Alden Richards It’s Showtime

Alden nagkaroon ng biglaang meet & greet sa It’s Showtime 

I-FLEXni Jun Nardo INAKYAT ni Alden Richards ang itaas na bahagi ng It’s Showtime studio nang mag-guest siya sa …

Blind Item, Matinee Idol, Mystery Man

Male Starlet walang maipagmalaking project kahit nakakontrata sa isang kompanya

ni Ed de Leon ANG bagay nga sigurong project para sa isang male starlet ay “Bata. Bata …

James Reid Issa Pressman

James Reid lipas na, inulan ng panlalait sa internet 

HATAWANni Ed de Leon KAWAWA rin naman si James Reid kung noong panahon ng kanyang kasikatan ay …

Leave a Reply

Your email address will not be published. Required fields are marked *